Японы зүүн хойд хэсэгт байрлах “Фүкүшима Дайчи” атомын цахилгаан станцын  гуравдугаар цөмийн тогооны хөргөлтийн систем өнөөдөр доголдсон тухай “Associated Press” мэдээлжээ. Японы цөмийн тохируулагч нарын мэдээлснээр одоогоор хөргөлтийн систем доголдсоноос үүдэн цөмийн тогоонд дэлбэрэлт үүсэх аюултай нөхцөл байдал үүсээгүй гэнэ. Ямар учраас систем доголдсон шалтгааныг тодруулахаар мэргэжилтнүүд ажиллаж байна.

Цөмийн мэргэжилтнүүдийн мэдээлснээр атомын цахилгаан станцын гуравдугаар цөмийн тогооны хөргөлтийн системд гарсан доголдолтой холбоотойгоор хөргөх усны температур халж, цөмийн дэлбэрэлт болох аюултай төвшинд хүрэхээс өмнөх хоёр долоо хоногийн хугацаанд хөргөлтийн системийг түр унтраах аж.

Үүнээс өмнө өнгөрсөн хоёрдугаар сард Японы атомын цахилгаан станцад цахилгааны саатал гарсны улмаас хөргөлтийн систем хоёр хоног ажиллаагүй байна.