УИХ-ын хаврын чуулганы нээлтийн үйл ажиллагаа өнөөдөр үдээс өмнө болж өндөрлөсөн бол үдээс хойш чуулган хуралдахгүй юм. Харин ирэх долоо хоногийн даваа гаригаас эхлэн УИХ дахь намын бүлгүүд хуралдаж, улмаар мягмар, лхагва гаригт байнгын хороод хуралдан УИХ-ын даргын захирамжид заасан асуудлыг хэлэлцэх бол пүрэв, баасан гаригт чуулганы нэгдсэн хуралдаан зарлагдаж байнгын хороодоор хэлэлцсэн асуудлыг хэлэлцэн шийдвэрлэх юм.