Pop, R&B, Hip Hop чиглэлээр уран бүтээлээ туурвидаг Их Британийн “Little Mix” хамтлаг рэппэр Мисси Элиоттой “How Ya Doin” уран бүтээл дээрээ хамтран ажиллаж байгаа гэнэ. Перри Эдуардс, Жеси Нелсон, Лей-Энни Пинок, Жейд Тривал нарын хамтлагийн охид тус дуугаа клипжүүлж, фэнүүддээ хүргэхээр болжээ. Хамтлагийн албан ёсны цахим хуудсанд мэдлээлснээр этгээд өнгө аяс, өвөрмөц шийдэлтэй уг клипээ тэд ирэх тавдугаар сарын 6-наас эхлэн шүтэн бишрэгчдэдээ хүргэх юм байна.

Хамтлагийн охид шинэ клиптээ өөр өөрийн гэсэн дүр төрх, имиж бүрдүүлэхийг зорьсон тухайгаа Твиттертээ бичиж, жиргээчдэд дуулгажээ. “X Factor” шоунаас урлагийн карьераа эхлүүлсэн тэд ялагч болсныхоо дараа гаргасан “Cannonball” дуу нь хитүүдийн жагсаалтад дээгүүрт бичигдэж байсан юм. Тэд “DNA” хэмээх анхны цомгоо өнгөрсөн оны арваннэгдүгээр сарын 19-нд гаргажээ.

“Little Mix”-ийн охид ирэх зун Их Британиар аялан тоглох төлөвлөгөөтэй байгаа гэнэ.