“Их хотын баяр-2013” дөрөвдүгээр сарын 5-ны өдөр “Улаанбаатар” ресторанаас эхэлж байна. Шар айрагт дурлагч залуусын хүсэн хүлээдэг эл баярыг ресторанууд зөвхөн шар айраг зардаг өдөр төдийгөөр өнгөрөөдөггүй. Энэ жилийн хувьд ч “Их хотын баяр”-т дуучин Х.Лхагвасүрэн, Д.Болд, Т.Дэлгэрмөрөн болон “Лемонс”, “Нисванис”, “Люмино” зэрэг хамтлаг, дуучид саатаж, их хотын залуусыг хөглөх гэнэ. Мөн баярт оролцогсдыг хөгжөөнт тоглоомд урьж, шар айрагны тэмцээн явуулж, нүргээнт бөмбөрчдийг шалгаруулах ажээ.