Дэлхийн шоу бизнест хэдийнэ хөлөө олсон дуучин Jay-Z спорт агентлаг байгуулахаар болсноо албан ёсоор зарлажээ. Америкийн үндэсний сагсан бөмбөгийн “Нью-Жерси Нетс” багийн эзэн тэрээр дуучин Рианна, Шакира гээд алдартай уран бүтээлчдийн карьерт үнэтэй хувь нэмэр оруулсан “Roc Nation” энтертаймент компанийнхаа харьяа “Dubbed Roc Nation Sports” спорт агентлаг байгуулж, шоу бизнесээ өргөжүүлэхээр шийдсэн аж.

Jay-Z өмнө нь “Би  спортод хайртай. Миний дуртай зүйлүүдийн нэг, бас миний карьер байх болно” хэмээн хэвлэлд өгсөн ярилцлагадаа нэг бус удаа мэдэгдэж байжээ. Бага насандаа амьдралын хар барааныг мэдэрсэн тэрбээр мөн “Roca Wear” хэмээх хувцасны брэндийн эзэн билээ.