Францын нэрт хөгжмийн зохиолч найруулагч Жэрард Пресгурвичийн хөгжим, “Сонгодог мюзикл” продакшны найруулагч З.Лхагвадоржийн найруулгаар “Ромео Жулетта” мюзиклийг тун удахгүй монгол хэл дээр тоглох гэж байгаа билээ. Мюзиклийн баг, бүрэлдэхүүнд Монголын урлаг соёлын 350 гаруй уран бүтээлч багтсан бөгөөд  мюзиклийн багийнхан маргааш 14.00 цагт  “BLUE SKY TOWER”-т хэвлэлийн бага хурал хийж, сэтгүүлчдэд мэдээлэл хийхээр болжээ.

Сонирхуулахад, “Ану хатан” уран сайхны киноны тайзыг хийсэн баг уг мюзиклийн тайзыг засч тохижуулах бөгөөд Монголд анх удаа мэргэжлийн төвшний тоглолтын тайз бүтээхээ амлалаа. Энэ тайз нь зургаан метр өндөр, хоёр давхар, 20 метр өргөнтэй дотор нь дуучид, бүжигчид тоглох боломжтой ба жүжигчдийн харьцах дөрвөн хөдөлгөөнт деталь хэсэгтэй юм байна. Мөн хөгжим, гэрэлтүүлэг зэргийг Монголын томоохон хөгжмийн компаниуд Францын мэргэжилтнүүдтэй хамтран хийхээр болжээ.