Дэлгэцийн урлагийн томоохон оддын нэг, жүжигчин Том Хэнкс үзэгчдийн сэтгэлд хүрсэн олон бүтээлд аз жаргалтай эрийн дүрд тоглож байсан. Бодит амьдрал дээр ч тэр “Lucky Guy”. Өчигдөр түүний тоглосон “Lucky Guy” киноны нээлтийн улаан хивсний ёслол Нью-Йоркийн “Broadhurst” театрт болж, Томын гэр бүлийнхэн бүрэн бүрэлдэхүүнээрээ хүрэлцэн иржээ.
 
Холливудад алдартай аавынхаа уран бүтээлийн хүндтэй арга хэмжээнд оролцохоор түүний хүү, 35 настай Колин хөл хүнд эхнэрээ дагуулж ирснээс гадна охин Элизабет, эхнэр Рита Уильсон мөн хүрэлцэн иржээ. Колин хүү нь эхнэртэйгээ хуримласнаас хойш хоёр дахь шинэ хүнээ угтан авах гэж буй энэ аж. Тэрээр мөн аавынхаа араас кино урлагт карьераа эхлүүлж, “Mad Men”, “Dexter” бүтээлүүдэд тоглоод амжсан нэгэн  билээ.