Одоогоос дөрвөн сарын өмнө буюу 2012 оны арванхоёрдугаар сарын 22-ны өдөр Монгол Улсын Ерөнхийлөгч Ц.Элбэгдорж Хөвсгөл аймгийн Цагаанннуур сумын нутаг Зүүн тайгад өвөлжиж буй цаатны отогт хүрэлцэн очиж, жилийн хамгийн урт шөнө, хамгийн богино өдрийг цаатнуудтай хамт өнгөрүүлж байсан юм. Цаатан хэмээх өвөрмөц бөгөөд ховорхон заяанд төрсөн үндэстний цөөнхийн эрх ашгийг хамгаалах талаар тухайн үед амласан Ерөнхийлөгчийн амлалт эдүгээ ажил хэрэг боллоо.

Монгол Улсын Ерөнхийлөгч Ц.Элбэгдорж 2013 оны гуравдугаар сарын 29-ний өдөр зарлиг гаргаж, цаа буга маллан тайгад амьдарч буй цаатан иргэдийн амьдралыг дээшлүүлэх, тэдний боловсрол нийгмийн хамгааллыг сайжруулах үүргийг Засгийн газарт хаяглан илгээсэн байна. Тэрбээр зарлигтаа тайгад амьдардаг 18 хүртэлх  насны цаатан хүүхдэд тухайн бүс нутагт тогтоосон амьжиргааны доод   хувьтай тэнцэх хэмжээний, насанд хүрсэн иргэнд амьжиргааны доод түвшингийн хэмжээгээр сар бүр мөнгөн тэтгэмж олгох, цаатан иргэдийг нийгмийн даатгалд хамруулах, тэдгээрийн нийгмийн даатгалын шимтгэлийг төрөөс хариуцах эрх зүйн орчин бүрдүүлэх зэрэг зүйл заалтыг тусгасан байна.

Ерөнхийлөгчийн зарлигийг бүрэн эхээр нь дор нийтлэв.

МОНГОЛ УЛСЫН ЕРӨНХИЙЛӨГЧИЙН ЗАРЛИГ

Засгийн газарт чиглэл өгөх тухай

"Монгол Улсын Мянганы хөгжлийн зорилтод суурилсан Үндэсний хөгжлийн цогц бодлого"-ын 4 дүгээр зүйлийн 4.6.2, Малын удмын сан, эрүүл мэндийг хамгаалах тухай хуулийн 4 дүгээр зүйлийн 4.2.3 дахь заалтыг хэрэгжүүлэх зорилгоор Монгол Улсын Үндсэн хуулийн Гучингуравдугаар зүйлийн 1 дэх хэсгийн 3 дахь заалт, Монгол Улсын Ерөнхийлөгчийн тухай хуулийн 12 дугаар зүйлийн 12 дахь хэсэгт заасныг тус тус үндэслэн ЗАРЛИГ БОЛГОХ нь:

Нэг. Хөвсгөл аймгийн Цагааннуур сумын нутагт оршин сууж, цаа буга маллан тайгад амьдарч буй уйгар угсааны тувахүмүүсийн  (цаашид “Цаатан иргэн” гэх) амьдралын түвшинг дээшлүүлэх, тэдний боловсрол, эрүүл мэнд, нийгмийн хамгааллыг сайжруулах, цаа бугын аж ахуйг сэргээх зорилгоор
батлагдсан “Цаа бугын аж ахуйг сэргээх, цаачдын амьдралын түвшинг
сайжруулах” хөтөлбөрийг хэрэгжүүлэх үйл ажиллагааг эрчимжүүлэх зорилгоор
дараах арга хэмжээг авч хэрэгжүүлэхийг Засгийн газарт чиглэл болгосугай:

1. Цаатан иргэдийн амьдралын нөхцлийг сайжруулах зорилгоор тайгад амьдардаг 18 хүртэл насны цаатан хүүхдэд тухайн бүс нутагт тогтоосон амьжиргааны доод түвшингийн50 хувьтай тэнцэх хэмжээний, насанд хүрсэн иргэнд амьжиргааны доод түвшингийн хэмжээгээр сар бүрмөнгөн
тэтгэмж олгох, цаатан иргэдийг нийгмийн даатгалд хамруулах,
тэдгээрийн нийгмийн даатгалын шимтгэлийг төрөөс хариуцах эрх зүйн
орчин бүрдүүлэх;