АНУ-ын Флорида мужийн Майамид болсон Мастеруудын 1000 ангилалд багтах "Sony Ericsson Open" тэмцээний
эрэгтэйчүүдийн шигшээ тоглолт өнгөрсөн шөнө болж Их Британы Энди Муррей тус тэмцээний цомыг хүртжээ. Тэрбээр шигшээ тоглолтод Испаний Давид Феррерийг 2:6, 6:4, 7:6-ийн харьцаагаар буулган авснаар тус тэмцээний хоёр дахь түрүүгээ хүртлээ. Муррей өмнө нь 2009 онд анх түрүүлж байсан бөгөөд өнгөрсөн жил шигшээд шалгарахдаа Сербийн Новак Жоковичид ялагдаж байсан байна. Энди Муррей мөн тус тэмцээнд түрүүлснээрээ 719 мянган ам.доллар хүртэж, чансааны 1000 оноо хүртэж өөрийнхөө чансааг хоёр хүртэл ахиулсан байна. Испаний Давид Феррер 350 мянган ам.долларын шагнал хүртжээ. Хосын төрөлд Недарланд, Пакистаны хослол тэргүүлсэн байна.