Хип хоп гэгч урсгалыг хүмүүст урлаг гэж ойлгуулахад анхдагчдийн нэг “ICETOP” хамтлагийн дуучин Хаагийгийн үүрэг роль их. Өдийг хүртэл “ICETOP” хамтлаг үзэгч сонсогч фенүүддээ уран бүтээлээ хүргэсээр байгаа. Гэтэл дуучин Хатанбаатар буюу Хаагий маань нойр булчирхайн хорт хавдартай хэмээн оношлогдож одоогоор биеийн байдал нь хүнд байгаа талаар өнөөдөр түүний ээж, хамтлагийн гишүүн Манлай, сэтгүүлч Ш.Гүрбазар, “Харанга” хамтлагийн дуучин Ц.Чулуунбат болон бусад төлөөлөл мэдээлэл хийлээ.

Хаагийгийн биед байгаа вирус нь өдөр ирэх тусам улам тархаж, өвчин нь улам даамжирсаар байгаа юм байна. Уг хавдар нь артерийн судас дагасан хавдар гэж тогтоогдсон бөгөөд өдөр алдалгүй хурдан эмчилгээ, хяналтад орж, хагалгаа хийлгэх шаардлагатай байгаа юм. Энэ хагалгааг Монголд хийх боловч эдгэрэх магадлал бага байдаг гэсэн тул Япон улсад очиж хагалгаа хийлгэхээр болсон байна. Учир нь Япон улсад эдгэрэх магадлал 90 хувьтай, хагалгааны дараа хими болон физик эмчилгээ үр дүнтэй хийгдэж өвчин нь түргэн эдгэрдэг гэнэ.

Дуучин Хаагийгийн эмчилгээний зардал 200 гаруй сая төгрөг болох тул халуун сэтгэлт ард түмнээсээ тусламж хүсч “Халуун сэтгэл” хандивийн тоглолт зохиож байгаа юм. Хандивийн тоглолт энэ сарын 6-9-ны өдрүүдэд UB Palace-ын концертын их танхимд тоглогдоно.

“Халуун сэтгэл” тоглолт дөрөвдүгээр сарын 6-нд Рок попын одод, 7-нд Нийтийн дууны одод, 8-нд Хошин урлагийн одод, 9-нд Хип хоп одод тоглолтоо тавьж хандивийн тоглолтонд нэгдсэн байна. Тасалбарын үнэ 10000 төгрөгөөр худалдаалагдаж байна. 

Дуучин Хаагийд чин сэтгэлээсээ туслахыг түүний гэр бүл  болон урлагийн төлөөлөл болсон хүмүүс ард түмнээсээ чин сэтгэлээсээ хүсч “Монголын нэг хүүгээ эрүүл саруул болгоод, эргээд бидэндээ ирэхэд нь элэг нэгт Монголчуудын минь халуун сэтгэлийн тус дэм хэрэгтэй юм шүү” гэж сэтгэл зүрхнээсээ та бүхнээсээ дэмжлэг хүсч байна.

Хаагийд туслах хандивийн данс ХААН-5034146252, Голомт-1805030800

Холбоо барих утасны дугаар 97119090,86009090. Мөн 151015 дугаар руу Хаагийд сэтгэлийн үгээ илгээгээрэй.