“Дараах статистикийг сонсохоороо хүмүүс гайхах байх. Хэдийгээр бид удаан хугацааны туршид амжилттай байсан хэдий ч бид Хойд Америкийн кофены зах зээлийн арав хүрэхгүй хувийг, дэлхийн кофены зах зээлийн ганц хувийг ч эзэлж чадаагүй байна” гэж “Starbucks” компанийн ерөнхийлөгч Ховард Шульц “CNN” агентлагт өгсөн ярилцлагандаа хэлсэн байна. Дэлхийн 50 оронд 13,000 салбартай “Starbucks” компани дэлхийн хамгийн том кофены үйлчилгээний газар хэдий ч хамгийн үнэнч үйлчлүүлэгч нь өдөрт уудаг 10 аяга кофеныхоо ердөө л гурвыг нь “Starbucks”-аас авч уудаг гэсэн судалгааг “Advertising Age” компани хийсэн.

Тэгвэл кофены зах зээл дээр хэн гол тоглогч вэ? “J.M.Smucker Co” компани, “Kraft Foods” компанийн бренд “Maxwell House” нар АНУ-ын зах зээл дээр том хувь эзэлдэг. Түүнчлэн түргэн хоолны үйлчилгээний “McDonald’s” компани 2006 онд “McCafe” үйлчилгээгээ шинээр нээсэн бөгөөд түүнээс хойш үйлчилгээ нь улам өргөжиж байна.

Т.Бадрах