Хамгийн өргөн хүрээг хамарсан олон нийтийн сүлжээ сайт “Facebook” өөрийн нэрийн смартфон гаргах тухай цуурхал дахин дэгджээ. “bgr.com”-д мэдээлснээр “Facebook” корпорацийн зүгээс өчигдөр хэвлэлийнхэнд өөрийн нэрийн шинэ төрлийн “Android” смартфон гаргахаа амласан гэнэ. Түүнчлэн “Facebook”-ийн зүгээс өөрийн нэрийн шинэ смартфон бүтээх ажилдаа техник болон программ хангамжаас илүү хүмүүсийн амьдралын хэв маягт тохиросон брэнд байх тал дээр илүү чухалчилж буй тухай мэдэгдсэн байна. Мөн өөр нэгэн эх сурвалжийн мэлээлснээр “Facebook” корпораци өөрийн нэрийн шинэ төрлийн “Android” үйлдлийн систем боловсруулахаар ажиллаж байгаа аж.

Харин ажиглагчдын дунд “Facebook” өөрийн нэрийн смартфон гаргах ажилд “HTC” брэндтэй хамтарч ажиллаж байгаа гэх таамаглал өндөр байгаа аж.

Үүнээс өмнө өнгөрсөн 2011 онд “HTC” брэнд “Facebook”-т зориулан тусгай смартфон бүтээж буй гэх мэдээлэл гарч байжээ.