Монгол Улсын Ерөнхийлөгч
твиттерээрээ эмч, сувилагч нарт баярын мэнд
дэвшүүлжээ. Тэрээр “Цагаан нөмрөгт ачтан–эмч, сувилагч, асрагч нартаа
баярын мэнд хүргэе. Амьдрал бэлэглэх аянд нэгдэж цусаа хандивлаж байхыг
хүсье. Буян болно” хэмээн жиргэсэн байна.

Жил бүрийн гуравдугаар сарын 30-нд Олон улсын эмч нарын баярын өдрийг
тэмдэглэдэг. Энэ өдрийг тохиолдуулан Монгол Улсын Ерөнхийлөгч ийнхүү
эмнэлгийн салбарынханд твиттерээр мэнд хүргэхийн ялдамд иргэддээ хандаж
хүний алтан амь аврах аянд нэгдэн цусаа хандивлахыг хүслээ.