NBC телевизийн "3rd Rock from the Sun" шоугаар олонд танигдсан жүжигчин, найруулагч Жозеф Гордон Левит телевизийн урлагт удахгүй эргэн ирэх болсноо зарлажээ. Тэрээр сүүлийн үед үзэгчдийг байлдан дагуулаад байгаа “The Dark Knight Rises, “The Lookout”, “Manic”, “Lincoln”, “Mysterious Skin” бүтээлүүдэд тоглож, телевизийн урлагаас дэлгэцийн бүтээлд “урвасан” юм.

Харин одоо “HitRECord on TV” продакшныхаа ажилд анхаарлаа хандуулж, үзэгчдийг татах шинэ реалити шоу нэвтрүүлэг бэлтгэн хүргэх ажилд ханцуй шамлан орсноо мэдэгджээ. Жозеф хамгийн сүүлд 2009-2012 онд “Saturday Night Live”-ийг хөтөлснөөс хойш телевизэд ямар нэг нэвтрүүлэг хөтлөөгүй байсан юм.