Авлигаас сэргийлэх төлөвлөгөөтэй болжээ | News.MN

Авлигаас сэргийлэх төлөвлөгөөтэй болжээ

Хуучирсан мэдээ: 2010.05.27-нд нийтлэгдсэн

Авлигаас сэргийлэх төлөвлөгөөтэй болжээ

“Авлигаас урьдчилан сэргийлэх үйл ажиллагааны төлөвлөгөө” сэдэвт сургалт семинарт төрийн өмчийн болон төрийн өмчийн оролцоотой “УБТЗ” хувь нийлүүлсэн нийгэмлэг, МИАТ, “Хөтөлийн цемент шохой”, МЦХ, “Багануур”, “Шивээ овоо” зэрэг ХК,  “Монгол шуудан”, Мэдээлэл холбооны сүлжээ, ”Мон атом” зэрэг ХХК-ийн удирдлага оролцож, Авлигаас урьдчилан сэргийлэх үйл ажиллагааны төлөвлөгөө боловсруулах, хэрэгжүүлэх, тайлагнах, үнэлэх талаар  мэргэжил арга зүйн туслалцаа авч байна. Сургалтад хамрагдсанаар эдгээр аж ахуйн нэгжийн Авлигаас урьдчилан сэргийлэх үйл ажиллагааны төлөвлөлт, тайлан нь нэг загварт орж, биелэлтийн үнэлгээг адил түвшинд хийх механизм бүрдэнэ гэж зохион байгуулагчид үзэж байна. Сургалт семинарыг Засгийн газрын Хэрэг эрхлэх газар, Авлигатай тэмцэх газар, АНУ-ын Азийн сангаас хамтран Их тэнгэр цогцолборт зохион байгуулж байна.  Монгол Улсын сайд, Засгийн газрын Хэрэг эрхлэх газрын дарга Ч.Хүрэлбаатар өнөөдрийн семинарыг нээж хэлэхдээ  “Авлигатай тэмцэх нь зөвхөн төрийн байгууллагын үүрэг биш, энэ ажилд төрийн бус байгууллага, иргэний нийгмийн оролцоо, иргэдийн идэвхи санаачилга чухлаас гадна хөндлөнгийн хяналт хэрэгтэй. Энэ нь та бүхний үйл ажиллагааны орчин нь тунгалаг, ойлгомжтой болох нөхцөлийг бүрдүүлэх юм” гэлээ.  Мөн тэрбээр шударга ёсыг бэхжүүлэх, улсын төсвийг бүрдүүлэх, ашиг орлогоо нэмэгдүүлэхэд, улмаар байгууллагынхаа нэр хүндийг өсгөх, иргэд, олон нийтийн зүгээс хүлээлгэж буй итгэлийг нэмэгдүүлэх чиглэлээр зохион байгуулах ажлыг тодорхой болгож, түүнийгээ хэрэгжүүлэхэд энэ сургалт дэмжлэг болохыг онцоллоо.

Засгийн газрын Хэрэг эрхлэх газар, Авлигатай тэмцэх газраас ийм сургалт семинарыг 2008 онд анх зохион байгуулснаас хойш уламжлал болжээ. Бүх яам, зарим агентлаг буюу 26 байгууллага энэ сургалтад хамрагдсанаар Авлигаас сэргийлэх үйл ажиллагааны төлөвлөгөөг батлан хэрэгжүүлж эхэлжээ. Аймаг, орон нутагт ч ийм төлөвлөгөө боловсруулах ажил эхлээд байгаа юм байна гэж Засгийн газрын Хэвлэл мэдээллийн албанаас мэдээллээ.

Д.Цэцэн

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Çî÷èí 2010-05-27 202.72.242.85

Òºðèéí àëáàí äàõü àøèã ñîíèðõîëûí çºð÷ëèéí òóõàé õóóëèà ãàðãàõã¿é áîë òºëºâëºãºº ãàðãààä ¿ð ä¿í ãàðàõã¿é

NewsMN Гар утасны хувилбар Татах
NEWS.mn

Мэдээллийн эх сурвалж