Канад Улсын Хүнс, хөдөө аж ахуйн сайд Жерри Ритц өчигдөр /03.26/ тус улсад албан ёсны айлчлал хийж буй УИХ-ын дарга З.Энхболдод бараалхав.

Тус улсын Парламентын ордонд болсон энэхүү уулзалтын үеэр Канад, Монголын мал аж ахуй, хөдөө аж ахуй, газар тариалангийн салбарын өнөөгийн байдлын талаар харилцан мэдээлэл солилцож, эдгээр салбаруудад Канад Улсын шилдэг техник, технологийг нэвтрүүлэх боломжийн талаар хөндөж ярилцлаа гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.