Германы Засгийн газар евро бүсийн өрийн дарамтаас гарахад ямар нэгэн үлгэр дуурайл үзүүлэхээр төсвийн алдагдлыг арилгах хөтөлбөрийг хэрэгжүүлж эхлэв. 2016 он хүртэл төсвийн зарлагыг 10 тэрбум еврогоор хорогдуулж, татварын хэмжээг нэмэгдүүлнэ. Гэхдээ зарлагын энэ хасалт нь хүүхэд залуучуудын боловсрол ба ажилгүй болсон хүмүүсийн давтан сургалтад хамаарахгүй ажээ. Канцлер Ангела Меркель төсвийн хатуу шинэчлэл Германы эдийн засгийн өсөлтийг гаргана хэмээн найдаж байна. Мөн энэхүү арга хэмжээ евро бүсэд сайнаар нөлөөлнө гэж үзэж байгаа ажээ.