Сүүлийн үед “Argo” бүтээлээрээ дэлхийн кино сонирхогчдыг байлдан дагуулж нөлөө бүхий томоохон шагналуудыг хүртсэнээр Америкийн нэрт найруулагч Бэн Аффлек Холливудад нэгэнтээ хүлээн зөвшөөрөгдсөн уран бүтээлч гэдгээ харуулсан. Иймдээ ч Холливудын гайхалтай эрчүүдийн нэг тэрээр хэвлэлийнхний анхааралд үргэлж өртдөг гэдэгтэй маргах аргагүй. Аффлек саяхан өөрийн амьдардаг Калифорны Брэнтвуд дахь худалдааны төвийн ойролцоо гэр бүлийнхнийхээ хамт папараццид өртжээ.

Нэгэн цагт дуучин Женнифер Лофес, жүжигчин Гвинет Пэлтроу гээд Холливудын эрхэмсэг хатагтай нартай хайрын романс дэлгэж явсан тэрээр 2003 онд жүжигчин эхнэр Женнифер Гарнертай танилцаж хоёр жилийн дараа хосууд хуримаа хийсэн байна.

Кино урлагийн сэтгэл татам хосууд гурван хүүхдийнхээ хамт Калифорнид хамтдаа амьдардаг аж. Гэхдээ Афлекийн гэр бүл түүний уран бүтээлийн шаардлагаас болж Лос-Анжелос, Калифорни, Массачусеттс, Жоржиад гэртэй болсон гэнэ. 

Э.АНХТУЯА