Эми Уайнхаусийн хөшөөний загварын
гэрэл зураг интернет сүлжээнд тавигдсанаас хойш түүний хөшөө ямар болох
төсөөлөлийг өгч эхэллээ. Скотт Итоны бүтээх хүрэл хөшөө нь Лондоны
Кэмден дүүргийн  Roundhouse  концертын танхимын  нэгдүгээр давхарт
тавигдах юм. Уг танхим нь дуучин агсаны гэрээс холгүй байдаг.

Хөшөөг
түүний төрсний 31 жилийн ойгоор нь 2014 оны есдүгээр сарын 14-нд нээх
гэнэ. Одоогоор нээлтэд олон тооны дуучид хөгжимчид оролцоно гэдэг нь
тодорхой болоод байна.

Сануулахад, англи дуучин 27 настайдаа өөрийн гэртээ нас барсан байсныг 2011 оны долдугаар сарын 23-нд олсон юм. 

Эми
Уайнхаус өөрийн анхны Frank цомгоо 2003 онд гаргасан байв. Тэр нь
тухайн үедээ Billboard-ын чартад ороод 3,5 сая хувиар зарагджээ. Хоёр
дахь Back to Black гэх цомог нь гурван жилийн дараа гарч Уайнхаус гурван
грэммийг хүртэхдээ “Оны шилдэг поп-цомог” шагналыг авсан байна.