Монгол Улсын Ерөнхийлөгчийн ивээл дор зохион байгуулагдаж буй  VII дахь удаагийн “Дуулиан-2020” тэмцээний хэсгийн сүүлийн тоглолтууд өндөрлөлөө. Гуравдугаар сарын 25-нд шөвгийн тоглолтод шалгарч үлдсэн багуудын сугалааны үйл ажиллагаа СБД-ийн II сургууль дээр явагдаж өндөрлөлөө.

Ингээд нийт 54 сургуулийн 202 багийн 3000 орчим тамирчид 6 насны ангилалаар “Дуулиан-2020” 7 дахь удаагийн тэмцээнд оролцсоноос одоогоор нийт 43 сургуулийн 110 багийн 1500 орчим тамирчид шөвгийн тоглолтонд шалгарч үлдээд байна.

Үүнд: хөвгүүдийн 13, 15, 17 насны ангилалд тус бүр 1 болон 2-р байраар шалгарсан 26 баг, хөвгүүдийн 11 насны ангилалд 16 баг, харин охидын 15насны багаас 8 шилдэг баг тус тус шалгарсан бол охидын 17 насны ангилалд 6 баг 1 болон 2-р байраар шалгарсан бол ТЗБК-оос 3-р байраар шалгарсан үзүүлэлт сайтай 2 багийг охидын 17 насны ангилалд дараагийн шатанд нэмж үлдээхээр болжээ. Энэ 2 багаар ХСХТТөв болон Хасу Мегаватт ХХК-ийн ивээн тэтгэсэн 10-р сургуулиуд шалгарлаа.

“Дуулиан-2020” тэмцээнд бид жил бүр тодорхой гоолуудын эздийг шагнаж байдаг ба сугалааны үйл ажиллагаан дээр бид бүхэн анхны гоол, 1000 дахь гоол болон 2000 дахь гоолийн эздүүдийг шагналаа. Анхны гоолийг 1-р сургуулийн С.Сэргэлэн хийсэн бол, 1000 дахь гоолийн эзнээр 102-р сургуулийн Ө.Бямбацогт харин саяхан тодорсон 2000 дахь гоолийн эзнээр 3-р сургуулийг Т.Оюунтогтох нар тодорлоо. Одоогоор нийт 2019 гоол ороод байгаа ба “Дуулиан-2020” тэмцээний 2020 дахь гоолийн эзэн тодроход нэг гоол дутуу байна.

Хөвгүүдийн 13, 15, 17 насны ангилалын багууд шөвгийн 16-д үлдэхийн тулд нэмэлт нэг тоглолтыг хийх ба үүнээс нас тус бүрт зургаан баг нь гоц мөргөж, харин бусад 20 баг нь сугалаа сугалж оноолтоор хоорондоо хариу тоглолтгүй цорын ганц тоглолт хийж шөвгийн 16-ийн эрхээ авах юм.

Тэмцээний нэмэлт тоглолтууд хариу тоглолтгүй явагдах ба гуравдугаар сарын 30-31-ны өдрүүдэд тоглож дуусах бол дараагийн амралтын өдрүүдэд болох дөрөвдүгээр сарын 6-7-ны өдрүүдээс эхлэн шөвгийн 16-ийн тоглолтууд эхэлнэ. Шөвгийн бүх тоглолтууд ирэх тавдугаар сарын 4-5-ны өдөр хүртэл Хан-Уул дүүргийн БТСЗааланд явагдана.

Ингээд хөлбөмбөг сонирхогч та бүхнийг гуравдугаар сарын 30-31-ны өдрүүдээс эхлэн амралтын өдрүүдэд ХУД-ийн БТСГЗааланд хүрэлцэн ирэхийг урьж байна. Илүү дэлгэрэнгүй мэдээлэл болон нас насны ангилалын хуваарь, тоглолтын үр дүнг www.duulian2020.mn гэсэн вебсайт болон “Дуулиан-2020” тэмцээний FACEBOOK болон TWITTER хуудаснуудаас авах боломжтой.