Уншигч та Бат-Эрдэнэ гэдэг хүн таних уу. Лав нэгээс дээш Бат-Эрдэнийг таньдаг хүн олон байж таарах нь. Учир нь УБЕГ-аас гаргасан судалгаагаар Монголд хамгийн олон байдаг нэрийн эхэнд Бат-Эрдэнэ жагсчээ. Одоогийн байдлаар Монголд 14540 Бат-Эрдэнэ аж төрж байна. Харин дараагийн олон амидаатай нэр бол Отгонбаяр ажээ. Нийт 11755 хүнд аав, ээж нь энэ алдрыг хайрласан байна.

Мөн Алтанцэцэг гэдэг нэртэй  11502 хүн байгаа бол  11159 Батбаяр, 11112 Оюунчимэг, 10885 Болормаа, 10608 Лхагвасүрэн, 10127 Энхтуяа, 9919 Гантулга, 9882 Эрдэнэчимэг Монгол Улсад бүртгэлтэй байна.

Харин ховор сонин нэрийн жагсаалтад Одонтуяарахгэрэл, Адилсанаа, Тожбаатар, Шийлэггалаа, Ямагтбадрал, Бага-Ууган, Өнө-Орчлон, Бас-ерөөл, Үнэнтогоо, Бүүрэгмаа, Охинжав, Олонбаярлах, Жааханчулуу зэрэг нэр оржээ.