Засгийн газрын өчигдрийн хуралдаанаар “Ойн зохион байгуулалт хийх журам”-ыг баталсан байна. Улс, аймаг, нийслэл, сум дүүргийн болон ойн нөхөрлөл, аж ахуйн нэгж, байгууллагын гэрээгээр эзэмшиж, ашиглаж байгаа ойн сангийн талбай, ойн зохион байгуулалтын ажилтай холбогдон үүсэх харилцааг зохицуулах  зорилготой юм байна.

Орон нутагт ойн нөхөрлөл, аж ахуйн нэгж, байгууллагууд ажилладаг ч тэдний ажиллах нөхцөл, ажлын уялдаа холбоо муу байдагаас хулгайгаар мод боловсруулах, худалдаалах, мөн ховордсон ан амьдат үрэгдэх зэрэг сөрөг тохиолдлууд гардаг юм байна. Тиймээс ойн нөхөрлөл, аж ахуйн нэгж, байгууллагын уялдаа холбоог сайжруулах зорилгоор энэхүү журмыг баталж байгаа аж.