Технологийн хамгийн хүчирхэг компани “Google”-ийн эзэмшдэг Youtube сайт байнгын тэрбум хэрэглэгчтэй болсон тухайгаа албан ёсоор зарлалаа. Тэдний мэдэгдсэнээр ухаалаг гар утсаар холбогддог хэрэглэгчийн тоо өссөн нь ийнхүү байнгын хэрэглэгчийн тоо өсөхөд гол нөлөө үзүүлсэн гэжээ.

Өмнө нь ажил дээрээ гэртээ эсвэл албан тасалгаандаа компьютерынхаа ард сууж байхдаа л Youtube сайтыг үзэх боломжтой байсан бол сүүлийн үеийн ухаалаг гар утас, таблетууд нь хаа ч явсан интернэтэд холбогдох боломжийг олгож байгаа билээ.

Сонирхуулахад, Youtube сайтыг анх 2005 онд үүсгэн байгуулж байсан ба ганцхан жилийн дотор 30-40 сая хэрэглэгчтэй болж байсан юм. Ингэж хүчээ авснаар 2006 онд 1,76 тэрбум ам.долларын үнээр “Google” компанид зарагдсан билээ.