Хүний амьдрал өөр өөрийн замаар хөвөрдөг бөгөөд энэ замын
хамгийн гол хүчин зүйл нь мэргэжил биз ээ. Дэлхий дээрх тоолж баршгүй олон
мэргэжил дундаас хүн бүрийн онцлог, хүсэлд тохирсон мэргэжил олдох нь
гарцаагүй. Харин түүнийгээ таньж, зүрх сэтгэлээ дагах нь амьдралын замын эхний
чухал алхамуудын нэг болов уу. Бизнесийн чиглэлийн сайтын хувьд өөрсдийн
салбарын сургуулиудын жагсаалтыг www.businessinsider.com-ын
гаргаснаар хүргэж байна.

1. Харвард (Harvard:
http://www.harvard.edu/)
Анх 1636 онд байгуулагдаж байсан сургууль нь одоо 21 мянга гаруй оюутантай,
хувийн сургууль юм.

2. Стэнфорд (Stanford:
http://www.stanford.edu/)

Мөн л хувийн статустай энэ сургууль нь анх 1891 онд байгуулагдаж байсан бөгөөд
Америкийн Калифорни мужид байрладаг ба 15 мянган оюутантай ажээ.

 3. Пенсилванийн их
сургууль (University of Pennsylvania: http://www.upenn.edu/)
1740 онд байгуулагдсан энэ сургуулийг Юпен, Вартон гэх зэрэг өөрөөр нэрлэдэг
бөгөөд 21 мянга гаруй оюутантай юм байна.

 4. Масачюсэтсийн
технологийн их сургууль (Massachusetts Institute of Technology:
http://mit.edu/)
Бусад  сургуулиудаас арай бага буюу 10 мянга орчим оюутантай уг сургууль
нь мөн технологи, математикийн салбарт маш өндөр нэр хүндтэй ажээ. (МУИС-н
математикийн багш маань: “Масачюсэтсийн их сургуульд эрдэм шинжилгээний ажилтан
болж чадсан бол та гараа халаасандаа хийгээд тайван алхаж болно” гэж хэлж
байсан санагдлаа… )

 5. Колумбийн их сургууль
(Columbia University: http://www.columbia.edu/)
Дээрх сургуулиудаас хамгийн олон буюу 27 мянган  оюутантай ажээ. Америкийн
ерөнхийлөгч Барак Обама уг сургуулийг төгссөн бөгөөд ерөнхийлөгч асан Франклин
Рузвелт болон бидний сайн мэдэх Уоррен Баффет хүртэл төгсөгчид нь юм байна.

 Эх
сурвалж: http://businessnews.mn