Монгол Ардын намын Бага хурал ирэх тавдугаар сард болох гэнэ. Намын дотоод асуудал, цаг үеийн байдлын талаар хэлэлцдэг намын Бага хурал хамгийн сүүлд өнгөрсөн оны долдугаар сард хуралдсан юм.

Сүүлийн үед МАН дотор жигүүр байгуулах, намд шинэчлэл хийх ёстой гэсэн яриа олонтаа гарах болсон. Тиймээс Бага хурлаар намын шинэчлэл яригдах байх гэсэн таамаг байна. Мөн Монгол Улсын Ерөнхийлөгчид нэр дэвшигчийг тодруулах юм байна.