Энэтхэг улсад болсон дугуйн Азийн АШТ-ний охидын цуваа гараатай 28 км-ын уралдаанд тэргүүлж, тивийн аваргын алтан медаль хүртсэн Т.Энхжаргалыг өнөөдөр Монголын залуучуудын холбоо /МЗХ/-ны удирдлагууд хүлээн авч уулзав. 

Дугуйн анхны Азийн аварга цолыг эх орондоо авчирсан түүний амжилтыг үнэлж МЗХ-ны ерөнхийлөгч А.Мөнхбат Т.Энхжаргалыг МЗХ-ны “Тэргүүний залуу” алтан медалиар шагнаж урамшуулсан юм.

Триатлон болон дугуйн спортын тамирчин Т.Энхжаргал Залуучуудын анхны олимпод Н.Наранбат багшийн удирдлагад оролцсон бол өдгөө н.Даваатогтох багшийн удирдлага дор бэлтгэл сургуулилтаа базаадаг билээ.