МАХН-ын Гүйцэтгэх товчоо өнөөдөр хуралдаж, хоёр ажлын хэсэг гаргав. Ингэхдээ УИХ-ын дэд дарга Л.Цогоор ахлуулсан ажлын хэсэг гаргаж, МАН, МАХН-ыг нэгтгэх талаар судлах юм байна.

Монгол Улсын Ерөнхийлөгчийн сонгууль ойртож байгаа энэ өдрүүдэд МАХН, МАН-тай нэгдэх эсэх талаар удаан хугацаанд яригдсан. Хоёр нам нэгдэх эсэх талаар МАХН-ыхан ч МАН-ынхан ч нэгдэхэд буруудах зүйл байхгүй гэж байсан боловч МАХН-ын Засгийн газартай байгуулсан гэрээнд Ерөнхийлөгчийн сонгуульд ч хамтарч, дэмжиж оролцоно гэсний дагуу нэгдэх боломжгүй гэх хүмүүс байсан билээ.

МАХН, МАН-ын гишүүдийн амнаас угаасаа угшил нэгтэй гэх нэршил олон гарах болсон нь ийнхүү МАХН-ыг ажлын хэсэг гаргахад хүргэсэн бололтой. Ажлын хэсэг ойрын хугацаанд шийдвэрлэж, судлахаар боллоо. Угшилтайгаа нэгдэх эсэх шийдвэр хэзээ гарах, ямар үр дүн гарах нь олон хүнд сонирхол дагуулсан асуулт болж үлдлээ.