Манай улсын хувьд байгалийн баялгаа хэрхэн зөв хуваарилах, ард иргэдийнхээ амьдралд нэмэр болохуйц ямар бодлого барих вэ гэдэг асуудал тулгараад байгаа. Тиймээс ч Дэлхийн банкны суурин төлөөлөгчийн газар, МУИС-ийн Эдийн засгийн сургуулийн дэргэдэх Эдийн засгийн судалгаа, эрдэм шинжилгээний хүрээлэнтэй хамтарч "Байгалийн нөөцийг удирдах олон улсын туршлага" сэдэвт форумыг маргааш  зохион байгуулах гэж байна.

Форумд Олон улсын валютын сангийн Төсвийн бодлогын асуудлын газрын орлогч дарга асан Роландо Оссовкси, Чили улсын Эдийн засаг, нийгмийн тогтворжуулах сангийн захирал асан Эрик Паррадо, Ботсвана улсын Төв банкны дэд ерөнхийлөгч асан Кайт Жеффрис нарын зочдыг урьжээ.

Тэд байгалийн баялгийг хэрхэн эдийн засагтаа өгөөжтэйгээр ашиглах, ирээдүй хйоч үеийнхэндээ баялгаас хүртээхийн тулд баялагийн санг хэрхэн байгуулсан туршлагаасаа хуваалцах юм байна.

Форумд Сангийн яамны төлөөллөөс гадна Оюутолгой, Рио Тинто зкомпанийн төлөөлөл оролцохоо мэдэгджээ. Форум маргааш өглөөний 09.00 цагт МУИС-ийн тавдугаар байрны зургадугаар давхарт эхлэх ажээ.