Улс орон даяар спортын 15 төрлөөр зохион байгуулагдаж байгаа Монголын оюутны спортын “Универсиад” III их наадам ид дундаа үргэлжилж байна. Одоогийн байдлаар цана, тэшүүр, шатар, волейбол, сагсан бөмбөг, жудо гэсэн зургаан төрөл амжилттай явагдаж өндөрлөөд байна. “Универсиад”-ын хамгийн өрсөлдөөнтэй явагддаг төрлийн нэг болох футзалын нийслэлийн бүсийн тэмцээн гуравдугаар сарын 22-25-ны өдрүүдэд Монгол-Улаанбаатар их сургууль дээр явагдана. Тэмцээнд МУБИС, ЭМШУИС, ҮБТДС, Мон-Алтиус, ШУТИС, БХИС, МоҮИС, Отгонтэнгэр ИС, МУИС, Монгол-Улаанбаатар их сургууль гэсэн 10 их, дээд сургуулийн 100 гаруй оюутан тамирчид оролцоно. Нийслэлийн бүсээс шалгарсан багууд 3 сарын 28-30-ны өдрүүдэд зохиогдох шигшээ тэмцээнд оролцох эрхтэй болох юм.