Монгол Улсын Ерөнхийлөгчийн урилгаар Европын комиссын ерөнхийлөгч Хосе Мануэль Бароссо энэ сарын 23-24-ний өдрүүдэд Монгол Улсад албан ёсны айлчлал хийх гэж байна. Хосе Мануэль Бароссо нь 2004 оноос хойш Евро комиссыг тэргүүлж байгаа бөгөөд 2002-2004 оны хооронд Португаль улсын ерөнхийлөгчийн албыг хашиж байсан нэгэн юм. Анх Лисбоны гэрээг батламжилж байх үед ерөнхийлөгчөөр сонгогдсон түүнийг 2009 онд дахин сонгосон ажээ. Айлчлалын хүрээнд төрийн гурван өндөрлөгтэй уулзаж, яриа хэлэлцээ хийх юм байна. Тэрээр манай улсад айлчилсныхаа дараа Япон улсад айлчлал хийх хуваарьтай байгаа ажээ.