Жирэмсний 6-10 долоо хоногт эхэд гарах өөрчлөлт
• Өглөө босохоос дургүй хүрч, бие тань бага зэрэг ядарч сульдана.
• Хөх ялимгүй томорч, бага зэрэг хөндүүр болно.
• Сэтгэл санаа зан ааш тогтворгүй болж магадгүй.
• Төмрийн амт амтагдаж эхэлнэ.
• Давсаганд шээс хуримтлагдах нь түргэсч ойр ойрхон шээс хүрнэ.
Урагт гарах өөрчлөлт
• Урагийн нүүр, хамар, ам, хэл мэдэгдэхүйц болно.
• Хүүхдийн зүрх үр тогтсоноос 25 хоногийн дараагаар цохилж эхэлнэ.
• Мөн мэдрэлийн сувганцраас уураг, тархи, нугас үүснэ.
• Хэдийгээр танд мэдрэгдэхгүй авч хөдөлгөөнтэй байна.
• Ургийн урт нь ойролцоогоор 2.5 см, гүзээлзгэний дайтай том байна.
Жирэмсний 12 долоо хоног
Эхэд гарах өөрчлөлт
• Огиулах бөөлжүүлэх, ойр ойрхон шээс хүрэх нь багасана.
• Өтгөн хатаж эхэлнэ.
• Ядрангуй байдал арилаагүй байна.
• Биеийн хэлбэр хэвийнхээсээ нэг их өөрчлөгдөхгүй.
• Умай умдагны яснаас дээгүүр тэмтрэгдэнэ.
Урагт гарах өөрчлөлт
• Хүүхдийн хүйсийг тодорхойлох боломжтой болно.
• Нүд, гар хуруунууд үүсч хөгжинө.
• Сормуус, чихний дэлбэн бий болно.
• Амандаа буйлтай болно.
• Хүүхдийн дотор эрхтэнүүд идэвхтэй ажиллаж эхэлнэ.
• Булчингийн хөгжил сайжирсан тул хүүхдийн хөдөлгөөн огцом чанга болсон байна.
• Урт 7.5 см, 18 гр жинтэй байна.
Жирэмсний 16 долоо хоног
Эхэд гарах өөрчлөлт
• Нүүр, хөх, биеийн бусад хэсгүүдэд нөсөөжилт эрс нэмэгдэнэ.
• Эхний 3 сард илэрч байсан зовиур багасч хоолны дуршил сайжран илүү эрч хүчтэй болсон мэт санагдана.
• Хүүхдийн өсөлт байнга явагдах тул гэдэс томорч бэлхүүс тэгширнэ.
Урагт гарах өөрчлөлт
• Таны дуу хоолойг сонсож хөдөлж, тийрч, залгих зэрэг хөдөлгөөн хийнэ.
• Арьс нь тунгалаг, ягаавтар өнгөтэй байна.
• Хурууны хээг тодорхойлох боломжтой болно.
• Түүний бүх биеэр болон толгойд нь үс ургана.
• Хүүхдийн толгой томорно.
• Урт 16 см, 135 г жинтэй байна.
Жирэмсний 20 долоо хоног
Эхэд гарах өөрчлөлт
• Таны хөхөнд уураг боловсорч эхэлнэ.
• Буйлнаас цус гарч болзошгүй.
• Мөн хамар битүүрнэ.
• Үтрээнээс гарах ялгадас хэвийнхээс хэт ихсэх тул ариун цэврийн хэрэглэл байнга хийх нь тохиромжтой.
• Хүүхдийн хөдөлгөөн танд мэдрэгдэнэ.
Урагт гарах өөрчлөлт
• Шүд нь бүрэлдэж эхэлнэ.
• Тодорхой завсарлагатай унтаж сэрнэ.
• Хөдөлгөөн нь нэмэгдэж, хөнгөн долгилсон, чичирхийлсэн маягтай болно.
• Урт нь 25 см, уин нь 340 г болно.
Жирэмcний 24 долоо хоног
Эхэд гарах өөрчлөлт
• Гэдэсний арьс язарснаас загатнаж эхэлнэ.
• Цус, шингэний эргэлт нэмэгдсэнээр хөлрөх, халууцах нь ихэснэ.
• Сав томорсноор хэвлийн доод хавиар өвдөх нь мэдэгдэнэ.
• Нүүр, нүд сэлхэрнэ.
Урагт гарах өөрчлөлт
• Хүүхэд эрхий хуруугаа хөхөх ба зогьсож чаддаг болно.
• Хүүхдийн нүүр улаан үрчгэр шар үсээр хучигдсан байна.
• Урагийн уушиг амьсгалахад бэлэн болоогүй учир дутуу төрвөл түүнд онцгой нэмэлт асаргаа сувилгаа шаардлагатай болно.
• Хөлс тосны булчирхайгаас ялгарсан зунгаг гарын алга, хөл гарын хурууны завсраар наалдсан байна.
• Зовхи нь салж нүдээ нээнэ.
• Урт нь 33 см, жин нь 570 г болно.
Жирэмсний 28 долоо хоног
Эхэд гарах өөрчлөлт
• Хэвлий, гуяар арьс язарна.
• Савныхаа агшилтыг та мэдрэх болно.
• Зүрхээр дэлсэх, ходоод гэдэсний хямрал илэрч магад.
• Таны жин долоо хоногт 450 гр-аар нэмэгдэх болно.
Таны хүүхдэд гарах өөрчлөлт
• Хүүхдэд өөхний хуримтлал эрчимтэй явагдана.
• Эрхий хуруугаа хөхнө, уйлна.
• Тийрэх, мушгирах зэргээр хөдөлнө.
• Гэрэл, дуу авианд хариу үйлдэл хийнэ.
• Урт нь 37 см, жин нь 900 г болно.
Жирэмсний 32 долоо хоног
Эхэд гарах өөрчлөлт
• Хүүхэд томорсонтой холбоотой хавирганы доод ирмэгээр бага зэргийн зовиур илэрнэ.
• Хэвлийн цагаан шугам тодрох ба хүйс тэгширнэ.
• Давсгийг умай дарснаас ойр ойрхон шээнэ.
Урагт гарах өөрчлөлт
• Олонхи тохиолдолд хүүхэд толгойгоороо доошоо харж байрласан байдаг. Толгойн яс бүрэн бэхжээгүй, мөгөөрс маягтай, савны амаар багтаж гарч ирэхэд тохирсон зөөлөн, уян хатан байдаг.
• Хөдөлгөөн ихтэй, тийрч эргэж тойрдог болно.
• Уураг тархи хурдан хөгжинө.
• Энэ үед хүүхэд төрвөл амьдрах 50 хувийн боломжтой. Учир нь түүний уушигны хөгжил харьцангуй сайн байна.
• Урт нь 40.5 см, жин нь 1.6 кг болно.
Жирэмсний 36 долоо хоног
Урагт гарах өөрчлөлт
• Хүүхдийн бие эрхтэн хөгжлөө олсон байна. Түүний жин долоо хоногт 225 гр-аар нэмэгдэнэ.
• Нүднийх нь солонгон бүрхэвч хүрэн бор өнгөтэй байна.
• Хумс хурууг бүрхэнэ.
• Өөхлөг эд хөгжөөгүй тул арьс нь хөгшин хүнийх шиг үрчгэр байна.
• Урт нь 46 см, жин 2.5 кг болно.
Жирэмсний 40 долоо хоног
Эхэд гарах өөрчлөлт
• Хүүхэд доошилсноор эхийн бие хөнгөрч шилрэх болно.
• Үтрээнээс салсархаг унжралдсан ялгадас гарна.
• Үе үе саваар хатуурна.
Таны хүүхдэд гарах өөрчлөлт
• Хүүхэд эрчимтэй мяраалж дунджаар 3500 гр жинтэй болсон байна.
• Хүүхдийн хөдөлгөөн багасна.
• Арьсан дээрх цагаан тосон бүрхүүл нь багассан байна.
• Арьсны үе багасна.
• Хумс, үс ургасан байна.
Зохиогчийн эрх: forum.asuultserver.com