АНУ-ын Калифорн мужийн Индиан Уэллст “BNP PARIBAS OPEN” тэмцээн үргэлжиж байна. Нийт таван сая ам.долларын шагналын сантай тус тэмцээнд АНУ-ын Серена Уильямсаас бусад шилдэг теннисчид оролцож буй. Тэмцээний хагас шигшээд өрсөлдөх эхний эрхийг ОХУ-ын Мария Кириленко аваад байна. Кириленко тус тэмцээний 13-т эрэмбэлэгдсэн бөгөөд Польшийн Агнешка Радваньска(3), Чехийн Петра Квитова (5) нарын шилдгүүдийг буулган авснаар хагас шигшээд шалгараад байна. Тэрбээр шигшээд тоглох эрхийн төлөө тэмцээний хоёрт эрэмбэтэй ОХУ-ын Мария Шараповатай тоглохоор боллоо. Шарапова тэмцээни зургаад эрэмбэлэгдсэн Италийн Сара Эрранаг 7:6, 6:2-ийн харьцаагаар буулган авчээ.

Өнгөрсөн жилийн тус тэмцээний аварга, тэмцээний нэгд эрэмбэлэгдсэн Беларусын Виктория Азаренка Данийн Возняцкитай, Германы Кербер Австралийн Саманта Стосур нар наймны шигшээд оноолт таарчээ.