Монголын Мянганы Сорилтын Сангаас хэрэгжүүлж буй Хот орчмын бэлчээрийн төслийн танилцуулах сургалт өнөөдөр Арвайхээр хотод боллоо. Сургалтанд Өвөрхангай аймгийн бүх сумдын удирдлага, холбогдох мэргэжилтнүүд оролцож төслийн явц байдлыг мэдээлэн, шаардлагатай мэдээллийг төслийн зохицуулагчаас авсан байна.

Монголын Мянганы Сорилтын Сангаас хэрэгжүүлж буй Хот орчмын бэлчээрийн төсөл 2008 оноос Монгол улсад хэрэгжиж эхэлсэн бөгөөд 2010 оноос Өвөрхангай аймгийн 8 суманд хэрэгжиж 76 малчны бүлэгтэй хамтран ажиллаж байгаа юм. Төслийн хүрээнд гүн өрмийн худаг гаргах,  хашааны материал нийлүүлэх, малчдыг хагас эрчимжсэн аж ахуй эрхлэхэд нь туслах зэрэг ажлууд хийгджээ. Төслийн материаллаг хөрөнгө оруулалт дуусаж, үлдсэн нэг жилийн хугацаанд оюуны хөрөнгө оруулалт хийнэ гэдгээ төслийн удирдагч  хэлж байлаа. Мөн төслийн үр дүнд малчид бэлчээрээ сэлгэн ашиглаж сурсан, бэлчээрийн даацад тохирсон цөөн тооны чанартай мал өсгөх сэтгэхүйтэй болсон зэрэг эерэг үзүүлэлтүүд гарсан гэдгийг ч онцоллоо.