Монголын буудлага спортын холбооноос уламжлалт тэмцээнүүд үргэлжиж байна. Энэ жил буудлага спортын шигшээ тамирчдыг олон уралдаан тэмцээн хүлээж буй. Ирэх дөрөвдүгээр сарын 2-нд БНСУ-д насанд хүрэгчдийн Дэлхийн цомын тэмцээн хүлээж байгаа бол оюутны “Казань 2013” Универсиад болон өсвөрийн Азийн наадам гээд томоохон тэмцээнүүд энэ онд тохиож буй. Олон улсын томоохон тэмцээнд оролцох мэргэн буудагчдын сонгон шалгаруулалт гуравдугаар сарын 11-13-ны өдрүүдэд Техник спортын төв клубт болж байна.

Сонгон шалгаруулалтын зарим төрлүүдэд тэргүүлэгчдийг танилцуулбал.

Хийн урт буу (эмэгтэй)

1. ОУХМ О.Янжинлхам 396 оноо
2. ОУХМ Б.Лхамсүрэн 396 оноо

Хийн урт буу (эрэгтэй)

1. ОУХМ Д.Батбуян – 585 оноо

Хэвтээ 60 сум буудах дасгал (эмэгтэй)

1. ОУХМ Ч.Нарантуяа 593 оноо
2. ОУХМ О.Янжинлхам 593 оноо

Хэвтээ 60 сум буудах дасгал (эрэгтэй)

1. ОУХМ Т.Баяржаргал – 584 оноо

Өнөөдөр гар бууны буудлага явагдаж байна. Олон улсын хэмжээний сонгон шалгаруулалтад 20 гаруй тамирчин оролцож байгаа бөгөөд сорилго маргааш өндөрлөнө.