Мини-Сагсан бөмбөгийн холбооны нэрэмжит “Sprite cup” улсын аварга шалгаруулах тэмцээн гуравдугаар сарын 11-17-ны өдрүүдэд Улаанбаатар хотноо болж байна. Тэмцээнд Хэнтий аймгийн “Алаг барс” баг, Бор-Өндөр, Баянхонгор аймгийн “Номун далай” цогцолбор, Дорнод, Сэлэнгэ, Дундговь, Налайх дүүргийн “Эрдмийн оргил”, “Голомт” цогцолбор зэрэг хөдөө орон нутгийн багуудаас гадна Улаанбаатар хотын ерөнхий боловсролын сургуулийн нийт 45 сургуулийн 500 гаруй сурагчид оролцож байна.

“Sprite cup” тэмцээнийг 2007 оноос эхлэн ”MCS Coca-Cola” ХХК хамтран зохион явуулж байгаа бөгөөд тэмцээн ҮБТДСургууль, Мон-Алтиус БТДСургууль, Замчин спорт хорооны зааланд 9:00-17:00 цагуудын хооронд болж байна.