Манайхан бичиг баримтад ихээхэн хайнга ханддагийг илтгэх нэгэн баримтыг Үндэсний төв архив өөрийн сайтдаа тавьжээ. Тус байгууллагын архивт одоогийн байдлаар 15 байгууллагын 3915 хүний хөдөлмөрийн дэвтэр, нийгмийн даатгалын дэвтэр, боловсролын үнэмлэх, диплом, төрсний гэрчилгээ, мэргэжлийн үнэмлэх зэрэг баримт бичиг хадгалагдаж байгаа ажээ. Дээрх байгууллагуудын олонх нь татан буугдсан болон үйл ажиллагаа, удирдлагын хувьд шинэчлэгдэн өөрчлөгдсөн газрууд юм байна. Хүн тус бүрийн 1-4 баримт бичиг байгаа нь монголчуудын салан назгайг илтгэнэ. Учир нь хөдөлмөрийн болон нийгмийн даатгалын дэвтэр нь тэтгэвэр, тэтгэмж тогтоолгох, цалин мөнгөний хэмжээг тодотгон харахад хамгийн түрүүн хэрэглэгддэг юм. Гэтэл дөрвөн мянга шахам хүн энэ чухал бичиг баримтаа өнөөг хүртэл үгүйлэхгүй байгаагаас Үндэсний архивын газрынхан бичиг баримтаа буцаан авахыг сануулсан мэдээллийг хүргэж байна. Архивт бичиг баримт ньхадгалагдаж буй компаниудын нэрсийг доороос харна уу.

1.Авто засварын завод                 
2.Арьс ширний үйлдвэрийн нэгдэл                
3.“Говь”  ХК                                  
4.“Гутал” ХК                          
5.“Дэвшил трейд”  ХК                              
6.“Монгол савхи” ХК                               
7.“Сор” ХК                           
8.“СОТ-2”                             
9. “СОТ-3”                            
10.“Таван эрдэнэ”  ХК                     
11.Түлш эрчим хүчний ерөнхий газар                      
12.Хөнгөн хүнсний үйлдвэрийн яам /яамны ажилтан, ажилчдын   болон яамны нэр дээр гадаад, дотоодын дээд сургуульд суралцагсад, Дархан хотын Политехникум төгсөгчдийн диплом, хөдөлмөрийн дэвтэр, боловсролын гэрчилгээ  г.м/    
13.“Хүрд” ХК /Цахилгаан сантехник угсралтын  нэгдсэн трест/        
14.Хүүхдийн хувцасны үйлдвэр                        
15.Эсгий, эсгий гутлын үйлдвэр зэрэг газруудад ажиллаж байсан хүмүүс Үндэсний төв архивын  нэг цонхны үйлчилгээний цэгт иргэний цахим үнэмлэхээ авч очин бичиг баримтаа буцаан авч болохыг архивын зааварлагч арга зүйч Д.Дашдолзод хэлж байна.