MTV Movie Award гэх жил бүрийн шагналд нэр дэвшигчдийг АНУ-д нэрлэсэн байна. Шагналтнууд дөрөвдүгээр сарын 14-нд тодрох бөгөөд лидерүүдийнх нь талаар ярьвал энэ жагсаалт нь “Алтан бөмбөрцөг”, “Оскар” зэргийн ёслолыг хүчтэй санагдуулахаар болжээ. Шагналыг Квентин Тарантино, Бен Аффлек, Леонардо ДиКаприо, Мила Кунис зэрэг одод авч магадгүй.

Шилдэг кино номинацид «Чөлөөлөгдсөн Жанго», «Хар баатар: домгийн сэргэлт», «Гурав дахь илүү» ("ТЭД"), «Өшөө авагчид», «Миний залуу галзуу» зэрэг кинонууд дэвшсэнийг шагналын сайт мэдээлэв.

Шилдэг жүжигчин эмэгтэй нь MTV-ийн хувилбараар, Эмма Уотсон ("Дуулгавартай байх сайхан"), Женнифер Лоуренс ("Миний залуу галзуу"), Мила Кунис ("Гурав дахь илүү"), Ребел Уилсон ("хамгийн сайн хоолой"), Энн Хэтэуэй ("Шаарлагдсан хүмүүс") нар байна. Шилдэг эрэгтэй жүжигчин номинацид: Бэн Аффлек ("«Арго» ажиллагаа"), Брэдли Купер ("Миний залуу галзуу"), Ченнинг Татум ("Супер Майк"), Дэниэл Дэй-Льюис ("Линкольн"), Жейми Фокс ("Чөлөөлөгдсөн Жанго") нар дэвшээд байна.

MTV нь үндсэн номинациас гадна бас ер бусын номинациудтай. Тухайлбал, “Шилдэг үнсэлт” номинацид Эмма Уотсон, Логан Лерман, Женнифер Лоуренс, Брэдли Купер, Кара Хэйуорд, Жаред Гилман, Мила Кунис, Марк Уолберг, Керри Вашингтон,  Жейми Фокс өрсөлдөх бололтой.

Том Харди, Леонардо ДиКаприо, Марион Котийяр, Хавьер Бардем, Том Хиддлстон нар шилдэг хорон санаатан номинацийн гол хүмүүс юм. Жеймс Бонд (Дэниэль Крейг) шилдэг зодоон номинацид хамгийн түрүүнд дэвшлээ.

MTV Movie Awards 12 номинациар шилдгүүдийг тодруулах бөгөөд ёслолыг Ребел Уилсон хөтлөх ажээ.