Монгол Улсын Ерөнхийлөгчийн ивээл дор зохион байгуулагдаж буй 7 дахь удаагийн “Дуулиан-2020” тэмцээний хэсгийн эхний тоглолтууд гуравдугаар сарын 2-3-ны өдрүүдэд явагдсан талаар бид өмнө нь мэдээлж байсан. Нийт 54 сургуулийн 202 баг өрсөлдөж байгаа ба тоглолтуудын мэдээг хүргэж байна.

Юуны түрүүнд өнгөрсөн жилийн нас насны ангилалын аварга багууд хэрхэн тоглосон талаар мэдээ хүргэе.

11 насны ангилалд “Ти Си Ай” ХХК-ийн ивээн тэтгэсэн 14-р сургууль түрүүлж байсан бол тэд энэ долоо хоногт хэсгийнхээ эхний тоглолтыг 53-р сургуультай хийсэн байна. 53-р сургууль энэ жилийн 11 насны ангилалд бэлтгэл сайтай оролцож байгаа гэдгээ харуулж өнгөрсөн жилийн аваргуудаас нэг оноо салгаж чадлаа. Энэ 2 багийн тоглолт 53-р сургууль дээр явагдсан ба эцсийн үр дүнд эвийн гэрээ байгуулсан буюу 2:2 тэнцээгээр өндөрлөсөн байна. Энэ хэсэгт гурван баг багтсан ба “Хас Лизинг” ХХК-ийн Баянзүрх ЦС баг багтсан юм.

13 насны ангилалд алтан медалийг хоёр жил дараалан хүртсэн Шунхлай компаний ивээн тэтгэсэн 97-р сургууль Хас Банкны ивээн тэтгэсэн 102-р сургуультай таарч тоглон итгэл төгс  8:2-р ялалт байгуулж 2013 оны анхны гурван оноогоо авч чадлаа. Тэдний багийн Отгонбаяр болон Содгарам нар сайн тоглолтыг үзүүлж энэ жил дахин нэг аваргаа хамгаалах бүрэн боломжтой гэдгээ харууллаа.
15 насны ангилалын “Хасу Мегаватт” ХХК-ийн ивээн тэтгэсэн 10-р сургуулийн А.Тэмүүжин ахлагчтай баг хоёр жил дараалан түрүүлж байгаа билээ. 7 дахь удаагийн тэмцээний хамгийн анхны тоглолтоо тэд  41-р сургуультай хийж мөн л 8:2-р хожсон байна. Багийн ахлагч Тэлмэн маш сайн тоглож багаа хожилд хүргэж чадлаа.

Харин 17 насны ангилалд түрүүлж байсан Моннис компаний 20-р сургууль нь энэ долоо хоногт тоглолт хийгээгүй ба ирэх долоо хоногт Jet School-ийн ивээн тэтгэсэн Олон Улсын Лаборатори сургуультай эхний тоглолтоо хийх юм.

Охидын 15 насны ангилалын өнгөрсөн жилийн аварга ТэнГэр Санхүүгийн Нэгдлийн ивээн тэтгэсэн “Амгалан ЦС” баг эхний тоглолтоо анх удаа оролцож байгаа DDISCH TV-ийн ивээн тэтгэсэн 65-р сургуультай хийлээ. 65-р сургууль тэдний эсрэг сайн тоглосон ч өнгөрсөн жилийн аваргуудыг харамсалтай нь хожиж чадалгүй 3:0-р хожигдсон байна. Харин Амгалан ЦС нь энэ жилийн охидын 15 насны ангилалд сулхан байгаа нь харагдаж байсан, учир нь ихэнхи тоглогч нар нь нас ахиж охидын 17 насны ангилалд өрсөлдөж байгаа.

Харин охидын насны ангилал анх 4 жилийн өмнө нэмэгдэж орсноос хойш 4 жил түрүүлсэн (охид  13 насанд 2 удаа, охид  15 насанд 1 удаа, охид 17 насанд 1 удаа ) баг бол Дэлхийн Зөн Хайлааст ОНХХ-ийн 72-р сургууль. Тус сургууль энэ жилийн тэмцээний эхний тоглолтоо 79-р сургуультай хийн 5:2-р хожсон байна. Багийн ахлагч, өнгөрсөн жилийн шилдэг тоглогч Ивээл нь энэ тоглолтонд дөрвөн гоол хийж багийнхаа хожилд гол нөлөө үзүүлсэн байна.

Энэ долоо хоногт явагдсан бусад сонирхолтой тоглолтуудаас дурьдвал:

-17 насны ангилалд аваргын төлөө хүчтэй өрсөлдөх магадлалтай байсан Ти Си Ай ХХК-ийн 14-р сургууль нь анхны тоглолтоо Англи Монголын  (The English School of Mongolia) сургуультай хийж 9:7-р хожигдсон байна. Ингэснээр хуучин Эрэл гэж нэрлэгдэж байсан Англи Монголын сургууль нь багахан хэмжээний сенсаци тариад амжлаа. Тэд энэ тоглолтондоо хожсоноор дутуу үнэлэгдэж болохгүй гэдгээ мөн баталж чадлаа.

-ХасБанкны ивээн тэтгэсэн 2 сургуулийн 17 насны ангилал болох 2-р сургууль, 58-р сургуулиуд 2-р сургуулийн талбай дээр хоорондоо таарч тоглолоо. Эхний үе 5:2-ийн харьцаатайгаар 2-р сургуулийн давамгайлалаар өндөрлөж тоглолт шийдэгдсэн мэт санагдаж байсан бол 2-р үед 58-р сургууль гайхалтай эргэлтийг хийж сүүлийн 1 минут дутуу байхад 9:9 болгож тэнцүүлсэн. Харин тоглолт дуусахад 25 секунд дутаа байхад 2-р сургуулийн багийн ахлагч Амгаланбаяр  дахин нэг гоол хийснээр энэхүү өрсөлдөөнтэй тоглолт 10:9-ийн харьцаатайгаар эзэн багийн ялалтаар өндөрлөжээ.

-“Онч Аудит” ХХК-ийн ивээн тэтгэсэн 28-р сургууль 11 насны ангилалд хүчтэй бүрэлдэхүүнтэй оролцож байгаа билээ. Тэд эхний тоглолтондоо ХасБанкны ивээн тэтгэж буй 40-р сургуультай таарсан.  Зочин баг болох 40-р сургууль нь энэ тоглолтонд 4:2-р ялалт байгуулж мөн л хүчтэй өрсөлдөгч гэдгээ харуулж чадлаа.

-Хан Уул дүүргийн 41-р сургууль нь жил бүр амжилттай оролцдог “Хасу Мегаватт” ХХК-ийн 10-р сургуулийн 13 насны ангилалын багийг 4:3-р хожиж анхныхаа гурван оноог авч чадлаа.

-Охидын 17 насны ангилалын үхлийн хэсэг гэгдэх B хэсэгт ТэнГэр Санхүүгийн Нэгдлийн Амгалан ЦС, ХасБанкны Буянт Ухаа ЦС, 58-р сургууль болон Хасу Мегаватт ХХК-ийн 10-р сургуулиуд таарсан. Энэ дөрвөн багийн аль нь ч аваргын төлөө үлдэх бүрэн боломжтой юм. Эхний тоглолтууд тун өрсөлдөөнтэй явагдсан ба 10-р сургууль Буянт Ухаа ЦС-ийн, харин Амгалан ЦС 58-р сургуулийг тус тус 2:1-р хожиж дараагийн шатанд үлдэх анхны алхмаа хийлээ. Дараагийн тоглолтууд мөн л өрсөлдөөнтэй болно гэдэгт бүрэн итгэж байна.

-Харин өрсөлдөгчдөө ямар ч боломж өгөлгүйгээр илт давуу хожсон багуудаас дурьдвал Саммит ХХК-ийн 11 болон 15 насны ангилалын багууд өрсөлдөгчөө 14:1, 11:1-р тус тус хожлоо. 17 насанд “Сэлэнгэ Пресс” ХХК-ийн ивээн тэтгэсэн 5-р сургууль ХасБанкны 57-р сургуулийг 16:3-р хожсон бол DDISCH TV-ийн 65-р сургуулийн 15 нас 12-р сургуулийг 23:1-р хожиж өнгөрсөн долоо хоногийн хамгийн олон гоолийн зөрүүтэй өндөрлөсөн тоглолтоор шалгарсан байна. “Шүрт Булаг” ХХК-ийн 75-р сургуулийн 13 насны ангилалын баг хоёр тоглолт хийснээс 12:2 болон 9:0-р илт давуу хожсон байна. “Онч Аудит” ХХК-ийн 28-р сургуулийн 15 насны ангилалын баг ОУЛСургуулийг 10:0-р хожсон бол 17 насны ангилалд том өрсөлдөгч болох “Хасу Мегаватт” ХХК-ийн 10-р сургууль нь 41-р сургуулийг 15:5-р хожсон байна.

11 насны ангилал:

1. Отгонбаатар – 71-р сургууль (ХасБанк) – 5 гоол
    Буяннэмэх – Оюуны Ундраа ЦС (ХасБанк) – 5 гоол
    Энхжаргал – 24-р сургууль (Саммит ХХК) – 5 гоол

2. Энххүслэн – 24-р сургууль (Саммит ХХК) – 4 гоол

3. Дөлгөөнтэнгис – 40-р сургууль (ХасБанк) – 2 гоол
    Содбилэг – 33-р сургууль – 2 гоол
    Сумъяабазар – 28-р сургууль (Онч Аудит ХХК) – 2 гоол
    Тайван – 6-р сургууль (ХасБанк) – 2 гоол
    Тэмүүлэн – 6-р сургууль (ХасБанк) – 2 гоол

13 насны ангилал:

1. Хишигдорж – 75-р сургууль (Keisy Fine) – 13 гоол

2. Амарсанаа – 32-р сургууль – 5 гоол

3. Содбилэг – 14-р сургууль (Ти Си Ай ХХК) – 4 гоол
    Хаш-Эрдэнэ– 26-р сургууль – 4 гоол
    Тамир – 28-р сургууль (Онч Аудит ХХК) – 4 гоол
    Оюунбат – 14-р сургууль– 4 гоол
    Мөнх-Ирээдүй – 65-р сургууль (DDISH TV) – 4 гоол
    Отгонбаатар– 114-р сургууль– 4 гоол
    Бат-Орших – 32-р сургууль – 4 гоол
    Мэнд-Амар – 32-р сургууль – 4 гоол

15 насны ангилал:

1. Балжинням – 65-р сургууль (DDISH TV) – 10 гоол

2. Ганзориг – 2-р сургууль (ХасБанк) – 5 гоол
    Цогбадрах – 92-р сургууль (МИГ Даатгал) – 5 гоол
    Пүрэвдаш – 6-р сургууль (ХасБанк) – 5 гоол
    Пүрэвсүрэн – Баянзүрх ЦС  (Хас Лизинг ХХК) – 5 гоол
    Лхагвадорж – Оюуны Ундраа ЦС (ХасБанк) – 5 гоол

3. Болорсүх – 9-р сургууль – 4 гоол
    Тэлмэнбаяр – 10-р сургууль (Хасу Мегаватт ХХК) – 4 гоол
    Мөнхбаатар – 28-р сургууль (Онч Аудит ХХК) – 4 гоол
    У. Жавхлантөгс – 65-р сургууль (DDISH TV) – 4 гоол
    Н. Жавхлантөгс – 65-р сургууль (DDISH TV) – 4 гоол
    Цолмонбаатар – 92-р сургууль (МИГ Даатгал) – 4 гоол
    Мөнхжаргал – 72-р сургууль (Дэлхийн Зөн Хайлааст ОНХХ) – 4 гоол

17 насны ангилал:

1. Мөнхболд – 5-р сургууль (Сэлэнгэ Пресс) – 8 гоол

2. Амгаланбаяр – 2-р сургууль (ХасБанк) – 6 гоол
    Билгүүн – 6-р сургууль (ХасБанк) – 6 гоол

3. Тэмүүжин – 10-р сургууль (Хасу Мегаватт ХХК) – 5 гоол
    Амарболд – ESM – 5 гоол
    Догсом – 12-р сургууль – 5 гоол

4. Хаш-Эрдэнэ – 58-р сургууль (ХасБанк) – 4 гоол
    Батсүрэн – 53-р сургууль – 4 гоол

Охид 17 насны ангилал:

1. Ивээл – 72-р сургууль (Дэлхийн Зөн Хайлааст ОНХХ) – 4 гоол

2. Сонинтогс – ХСХТТөв (Х.А.С. Холбоо ТББ) – 3 гоол

3. Энхтуул – 92-р сургууль (МИГ Даатгал) – 2 гоол

Охид 15 насны ангилал:
 
1. Энхтэнгэр – 14-р сургууль (Ти Си Ай ХХК) – 3 гоол
    Солонго – Буянт Ухаа ЦС (ХасБанк) – 3 гоол

2. Отгонбаяр – 72-р сургууль (Дэлхийн Зөн Хайлааст ОНХХ) – 2 гоол

3. Баяржаргал – 79-р сургууль– 2 гоол
    Гоомарал – 79-р сургууль – 2 гоол

“Дуулиан-2020” тэмцээний дараагийн тоглолтууд гуравдугаар сарын 9-10-ны өдрүүдэд явагдана.