Мэргэжлийн сумогийн Хацу башёгийн өмнө ёкозүна Хакухогийн бэлтгэл тун сайн байгаа бололтой. Тэрээр Касугано болон Сакаигава дэвжээнд хамтарсан бэлтгэл хийхдээ сэкиваке Гоэйдо, комүсүби Точиозан, Мёгирюү нарын гурван бөхтэй дараалан 15 барилдахдаа нэг ч удаа унаагүй гэнэ. Дохё дээр Хакухотой жаахан тулсан нь Мёгирюү л байсан ажээ. Уржигдар Харумафүжи, Хакухо нарын дэвжээнийхэн хамтарсан бэлтгэл хийсэн ч хоёр ёкозүна нэг нэгэнтэй барилдаагүй юм байна.