Сагсан бөмбөгийн “Мөнгөн цагираг” клубээс зохион байгуулж буй бөхчүүдийн сагсан бөмбөгийн аварга шалгаруулах тэмцээн өнөөдөр хоёр дахь өдрөө Спортын төв ордонд үргэлжилж байна. Тэмцээний шилдэг баг өнөөдөр тодорно. Энэ удаагийн тэмцээнд Сэлэнгэ, Завхан зэрэг аймгийн бөхчүүдээс гадна олимпийн аварга Н.Түвшинбаяр тэргүүтэй Монголын жүдо бөхийн шигшээ, мөн Чөлөөт бөхийн шигшээ багийн тамирчид оролцож байгаа ажээ. Тэмцээний хаалтын ажиллагаа өнөөдөр 15 цагаас болно.

Б.Энх