Өнөөдөр ЭМШУИС-ын Эрдмийн зөвлөлийн өргөөнд УИХ-ын гишүүн, Нийгмийн бодлого, боловсрол соёл шинжлэх ухааны байнгын хорооны дарга З.Баянсэлэнгэ оюутнуудад хандаж “Эмэгтэйчүүдийн эрх монголын нийгэмд” сэдвээр илтгэл тавилаа. Залуу үеийнхээ дуу хоолойг сонсож тэдэнтэй санал солилцох үүднээс УИХ дахь “МАХН-МҮАН-ын Шударга Ёс Эвсэл”-ийн бүлгийн гишүүд “Оюунлаг оюутан” аяныг өрнүүлж их, дээд сургуулиудаар зочилон илтгэл тавьж байгаа юм байна.

З.Баянсэлэнгэ гишүүн илтгэлийнхээ дараа оюутан залуучуудын санал хүсэлтийг сонсож мөн тэдний сонирхсон асуултуудад хариулт өглөө. Оюутан залуучууд З.Баянсэлэнгэ гишүүнийг хувь хүнийх нь хувьд хүндэлж дэмжиж байдагаа илэрхийлж  “Оюунлаг оюутан” аянтай хамт нэг өдрийг сэтгэгдэл өндөр өнгөрүүллээ.

“Оюунлаг оюутан” аян 2013 оныг дуустал үгэлжлэх бөгөөд УИХ дахь “МАХН-МҮАН-ын Шударга Ёс Эвсэл”-ийн бүлгийн ажлын албаны дарга Г.Энхтөр улсын болон хувийн бүх их, дээд сургуулиудтай хамтран ажиллахад бэлэн байгаа гэдэгээ хэлж байсан. УИХ дахь “МАХН-МҮАН-ын Шударга Ёс Эвсэл”-ийн бүлгийн ажлын албатай холдогдох утас: 260640 юм байна.