Монголын Байт харваан шигшээ багийн тамирчид ирэх тавдугаар сард Шанхай хотноо болох гранпри тэмцээний бэлтгэлээ базаахаар урд хөршийг зорилоо. Энэхүү хамтарсан бэлтгэл хоёр сарын хугацаанд үргэлжлэх юм. Шигшээ багийн бүрэлдэхүүнд дасгалжуулагч Ж.Нарантуяа, Ю.Ганзориг тэргүүтэй арван тамирчин багтсан байна.

Мөн Монголын байт харвааны холбоо гуравдугаар сарын 9, 10-нд олон улсын эмэгтэйчүүдийн баярт зориулсан тэмцээнийг зохион байгуулах гэж байна. Тэмцээн Монголын байт харвааны зааланд болно.