Лаос улсад болж буй 2014 оны “AFC Challenge cup” тэмцээний урьчилсан шатнаас Монголын хөлбөмбөгийн шигшээ баг хожил авч чадсангүй. Азийн хөлбөмбөгийн хөгжил сул орнуудын дунд зохиогддог энэхүү тэмцээний урьдчилсан шатанд манай багийнхан С хэсэгт багтсан. С хэсэгт урьдчилсан шатны тэмцээнд зохион байгуулагч Лаос болон Афганистан, Монгол, Шри Ланкын шигшээ багууд сугалаа таарсан билээ. Өнгөрөгч хоёрдугаар сарын 26-нд Лаос улсыг зорьсон монголын шигшээ баг гуравдугаар сарын 2-наас тэмцээнээ эхэлсэн бөгөөд өнөөдөр сүүлийн тоглолтоо Шри Ланкын эсрэг хийж 3:0-ийн харьцаагаар ялагдал хүлээснээр тэмцээнээ дуусгалаа.

Гуравдугаар сарын 2

• Монгол – Лаос 1:1

Гуравдугаар сарын 4

• Монгол – Афганистан 0:1

Гуравдугаар сарын 6

• Монгол – Шри Ланк 0:3

С хэсэгт нэг тэнцээ хоёр хожигдолтойгоор манай баг хэсгийн сүүлд бичигдлээ. Тус хэсгээс Афганистан болон Лаосын баг дараагийн шатанд шалгарлаа.

"Challenge Cup" тэмцээний урьдчилсан хэсгүүдийг толилуулбал.

А хэсэг: Мьянмар, Энэтхэг, Тайвань, Гуам
В хэсэг: Киргизстан, Тажикстан, Пакистан, Макао
С хэсэг: Афганистан, Лаос, Шри-Ланка, Монгол
D хэсэг: Непал, Палестин, Бангладеш, Хойд Мариани
E хэсэг: Филиппин, Туркменистан, Камбож, Бруней