Лаос улсад болж буй 2014 оны “AFC Challenge cup” тэмцээний урьчилсан шатнаас Монголын хөлбөмбөгийн шигшээ баг хасагдах нь тодорхой боллоо. Азийн хөлбөмбөгийн хөгжил сул орнуудын дунд зохиогддог энэхүү тэмцээний урьдчилсан шатад манай багийнхан С хэсэгт багтсан. С хэсэгт урьдчилсан шатны тэмцээнийг зохион байгуулагч Лаос болон Афганистан, Монгол, Шриланкын шигшээ багууд сугалаа таарсан билээ. Монголын хөлбөмбөгийн шигшээ багийнхан тэмцээний эхний тоглолтоо гуравдугаар сарын 2-нд талбайн эзэн Лаостай тоглож, 1:1-ийн харьцаатай тэнцлээ. Ингэснээр Лаос, Монголын шигшээ баг нэг, нэг оноотой болсон юм. Лаосын Үндэсний цэнгэлдэх Вьентайнд болсон энэхүү тоглолтыг 1200 орчим хөгжөөн дэмжигч үзсэн байна. 

Харин Афганистан, Шриланкын шигшээ багийг 1:0-ийн харьцаатай хожиж, гурван оноотойгоор С хэсгийг тэргүүлсэн. 

Гоол: Саяяабунсоу 33’ – Ц.Түмэнжаргал 45+2’

“Хөх чононууд” буюу Монголын хөлбөмбөгийн шигшээ багийн гарааны бүрэлдэхүүн:

Хаалгач: Ю.Сайнхүү
Хамгаалагч: Д.Лүмбэнгарав, Б.Гарьдмагнай, Г.Билгүүн, Б.Эрхэмбаяр  
Хагас хамгаалагч: Н.Цэдэнбал, П.Алтантулга, Ц.Мөнх-Эрдэнэ, Х.Цэнд-Аюуш
Довтлогч: Ц.Түмэнжаргал, Г.Төгсбаяр
Сэлгээ: А.Чинзориг 67’ /П.Алтантулгаар/, Б.Төгсбилэг 81’ /Г.Төгсбаяраар/, О.Баяржаргал 91+1’ /Ц.Мөнх-Эрдэнээр/

Харин Монголын хөлбөмбөгийн шигшээ хэсгийн хоёрдугаар тойргийн тоглолтоо өчигдөр Улаанбаатарын цагаар 17:00 цагт Афганистаны шигшээтэй Лаосын Үндэсний цэнгэлдэх Вьентайнд тоглолоо. Гэвч Монголын шигшээ баг Афганистанд 1:0-ийн харьцаатай хожигдлоо. Тоглолтыг 500 гаруй хөгжөөн дэмжигч үзсэн байна. Харин талбайн эзэн Лаос Шриланкын шигшээг 4:2-ийн харьцаатай хожиж, гурван оноо авлаа. Хоёрдугаар тойргийг дараа зургаан оноотой Афганистаны шигшээ С хэсгийг тэргүүлж байна. Харин дөрвөн оноотой Лаос хоёрдугаар байр, нэг оноотой Монголын шигшээ хүснэгтийн гуравдугаарт бичигдэж байгаа бол Шриланкын шигшээ баг хараахан оноо аваагүй хэсгийн сүүлийн байрт байна.

Гоол: Балал Аризоу 59’

Монголын хөлбөмбөгийн шигшээ багийн гарааны бүрэлдэхүүн:

Хаалгач: Ю.Сайнхүү
Хамгаалагч: Д.Лүмбэнгарав, Б.Гарьдмагнай, Г.Билгүүн, Б.Эрхэмбаяр  
Хагас хамгаалагч: Н.Цэдэнбал, А.Чинзориг, П.Алтантулга, Х.Цэнд-Аюуш
Довтлогч: Ц.Түмэнжаргал, Б.Төгсбилэг
Сэлгээ: Ц.Мөнх-Эрдэнэ 64’ /Н.Цэдэнбалаар/, Ц.Дарамбазар 76‘ /Б.Эрхэмбаяраар/, Г.Төгсбаяр 54’ /Б.Төгсбилэгээр/

С хэсгийн гуравдугаар тойргийн тоглолт маргааш болно. Гуравдугаар тойрогт Монголын шигшээ Шриланкатай, талбайн эзэн Лаос Афганистантай тоглох юм. Энэ тойрогт Монголын шигшээ Шриланкийг олон гоолын зөрүүтэй хожиж, Афганистан Лаосыг хожвол хэсгийн хоёрдугаар байраар шалгарах магадлалтай юм.

Азийн хөлбөмбөгийн холбооны “AFC Challenge cup” тэмцээний урьдчилсан шатанд 20 баг дөрөв, дөрвөөрөө таван хэсэг болсон. Хэсгээ тэргүүлсэн таван шигшээ болон хоёрдугаар байраар хамгийн өндөр үзүүлэлттэй хоёр улс 2014 оны “AFC Challenge cup” тэмцээнд оролцох эрхээ авах юм. 2014 оны “Challenge cup” тэмцээн Мальдив улсад болно.

Мөн энэхүү тэмцээнд түрүүлсэн шигшээ баг чансаа ахиж, 2015 онд Австралид болох Азийн аварга шалгаруулах тэмцээнд оролцох юм. 

Хоёр тойргийн дараах байдлаар хэсгүүдийн байрлалыг хүргэе.

А хэсэг

Шигшээ баг	Хожил	Тэнцээ	Хожигдол	Гоолын харьцаа	Оноо
Энэтхэг	2	0	0	+5	6
Мянмар	1	1	0	+5	4
Тайвань	0	1	1	-1	1
Гуам	0	0	2	-9	0

 

С хэсэг

Шигшээ баг	Хожил	Тэнцээ	Хожигдол	Гоолын харьцаа	Оноо
Афганистан	2	0	0	+2	6
Лаос	1	1	0	+2	4
Монгол	0	1	1	-1	1
Шриланка	0	0	2	-3	0

D хэсэг

Шигшээ баг	Хожил	Тэнцээ	Хожигдол	Гоолын харьцаа	Оноо
Палестин	2	0	0	+10	6
Бангладеш	1	0	1	+1	3
Непаль	1	0	1	+4	3
Мариан арал	0	0	2	-15	0

Одоогоор А, С, D хэсгийн тоглолтууд эхэлсэн. Харин B, Е хэсгийн тоглолтууд гуравдугаар сарын 17-21-ний хооронд болно.