Төрийн соёрхолт дуучин Д.Болд “Монгол поп 2” цомгоо дэлхийг хэрэн сүлжсэн интернэт дуу хөгжмийн хамгийн том дэлгүүр Itunes-д байршуулан борлуулах болсон билээ. Уг цахим дэлгүүрээр худалдаалагдаж буй түүний цомог шилдэг цомгийн тоонд багтах болсон бөгөөд өнөөдөр Itunes-ийн шилдэг цомгийн 15 дугаар байрт жагсаж байгаа юм. Түүнчлэн өнөөдрийн байдлаар “itunes”-аас монголчуудын хамгийн их татаж авсан дуунуудын жагсаалтын нэгд дуучин Д.Болдын “Чамдаа би хайргүй байхын аргагүй”, хоёрт Еlena borisova-гын “Abc” дуу, гуравт Д.Болдын “Үүлэн домог” дуу тэргүүлсээр байна. Шилдэг борлуулалттай дуугаар шалгарсан уг дуунууд тус бүр нь 0.99 центээр зарагдаж байгаа дэлхийн өнцөг булан бүрт суугаа монголчуудын таашаалд хамгийн ихээр нийцжээ.

Г.ДАША