Азийн Хөлбөмбөгийн Холбооноос хөлбөмбөгийн хөгжил сул орнуудын дунд
зохиодог “AFC Challenge Cup 2014” тэмцээний урьдчилсан шалгаруулалтад
оролцох Монголын хөлбөмбөгийн шигшээ баг өнгөрсөн сарын 20-нд Лаос улсыг
зорьсон.

"Сhallenge
Cup"-ийн урьдчилсан хэсгийн С хэсэгт Монголын хөлбөмбөгийн
шигшээ баг талбайн эзэн Лаос болон Шри-Ланка, Афганистаны багтай оноолт
таарсан. Өнгөрөгч бямба гаригт манай шигшээ баг хэсгийн эхний тоглолтоо Лаосын
багтай хийж 1:1-ийн харьцаагаар өндөрлөсөн. Тэгвэл өнөөдөр Афганистаны багтай хоёрдахь тоглолтоо хийлээ. Энэхүү тоглолт 1:0-ийн харьцаагаар Афганистаны багийн ялалтаар өндөрлөв. Афганистаны багийн хувьд эхний тоглолтод Шри-Ланкын багийг хожоод байсан бөгөөд тэдний хувьд хэсгээ 6 оноотой итгэл төгс тэргүүллээ. Лаос хоёрдахь тоглолтоо Шри-Ланкын эсрэг хийж 4:2-ийн харьцаагаар ялалт байгуулснаар хүснэгтийн хоёрт бичигдэж эхэллээ. Манай багийн хувьд одоогоор тэнцээний нэг оноотой гуравт бичигдсэн байна.

Манай баг сүүлийн тоглолтоо ирэх лхагва гаригт Шри-Ланкын багтай хийнэ. Өнөөдрийн тоглолтыг http://aseaniptv.com/laotv суваг шууд дамжуулав.

Хэсгээ тэргүүлсэн баг болон хэсгийн хоёрдугаар байраар хамгийн өндөр
үзүүлэлттэй шалгарсан хоёр баг дараагийн шатанд шалгарч, улмаар шигшээ
тэмцээнд оролцох эрхтэй болно. 

FIFA-ийн чансаагаар Лаос 170, Монгол 179, Афганистан 186, Шри Ланка 190-д эрэмбэлэгдэж байна.