Монголын шигшээ Афганистаны багтай тоглоно

Хуучирсан мэдээ: 2013.03.04-нд нийтлэгдсэн

Монголын шигшээ Афганистаны багтай тоглоно

Азийн Хөлбөмбөгийн Холбооноос хөлбөмбөгийн хөгжил сул орнуудын дунд зохиодог “AFC Challenge Cup 2014” тэмцээний урьдчилсан шалгаруулалтад оролцох Монголын хөлбөмбөгийн шигшээ баг өнгөрсөн сарын 20-нд Лаос улсыг зорьсон.

"Сhallenge Cup"-ийн урьдчилсан хэсгийн С хэсэгт Монголын хөлбөмбөгийн шигшээ баг талбайн эзэн Лаос болон Шри-Ланка, Афганистаны багтай оноолт таарсан. Өнгөрөгч бямба гаригт манай баг хэсгийн эхний тоглолтоо Лаосын багтай хийж 1:1-ийн харьцаагаар тэнцээгээр өндөрлөсөн. Ингэснээр Монголын шигшээ баг нэг оноо авснаар хүснэгтийн гуравт бичигдлээ. Өнөөдөр Монгол-Афганистаны багийн тоглолт болох бөгөөд манай цагаар 17,00 цагт эхэлнэ. Афганистаны багийн хувьд эхний тоглолтоо Шри Ланкын багтай хийж 1:0-ийн харьцаагаар ялалт байгуулжээ. Ингэснээр одоогоор Афганистанчууд гурван оноотой хэсгээ тэргүүлж байгаа бол Лаос, Монголын багууд нэг оноотой удаалж байна.

Тэмцээнийг http://aseaniptv.com/laotv сувгаар дамжуулж байна.

Ч.БОЛ
NewsMN Гар утасны хувилбар Татах
NEWS.mn

Мэдээллийн эх сурвалж