Монголчуудын
төдийгүй жуулчдын анхаарлыг ихээр татдаг “Бүргэдийн баяр” арга хэмжээг
долоо дахь жилдээ зохион байгуулахаар болжээ. Сүүлийн гурван жилд
“Чингисийн хүрээ” жуулчны баазад зохиогдож буй уг арга хэмжээ маргааш
болох гэж байна. “Бүргэдийн баяр 2013” арга хэмжээний үеэр Монгол болон
Казах гар урлалын худалдаа гарах бөгөөд парадыг шонхор шувуугаар
эхлүүлэх ажээ. Мөн хамгийн сайхан үндэсний хувцастай бүргэдтэй, морины
тоноглолтой бүргэдчнийг шалгаруулахаас гадна ан бариулах, тулам
булаалдах, хаан бүргэдийг тодруулах гэнэ. Баян-Өлгийн аймгийн сумдаас
шилдэг 20 бүргэдчин, бүргэдийн хамт олон оролцох ажээ.