Боловсрол шинжлэх ухаа­­ны яам Монголын оюут­ны холбоотой 2012-2013 оны хичээлийн жилд хамтран ажиллах гэрээнд га­рын үсэг зурлаа. Талууд оюут­ны байгууллагатай хамт­ран оюутан, суралцагчийн сурлагын амжилтыг дэмжих, эрдэм шинжилгээний ажил, сурах, амьдрах орчин, нөх­цөлийг сайжруулах арга хэм­жээг хэрэгжүүлэхээр харил­цан тохиролцсон нь энэ юм.

Түүнчлэн хоёр тал 2012-2013 оны хичээлийн жилд хамтран ажиллах төлөв­лө­гөөг боловсруулан батлаад байна. Уг төлөвлөгөөнд "Их, дээд сургууль, коллежийн оюутны сургалтын үйл ажил­лагааны идэвх оролцоог нэмэгдүүлэх, сургууль бүрийн оюутны байгууллагын зүгээс хяналт тавьж, хариуцлага тооцдог тогтолцоог бүрдүүлж ажиллах гэнэ. Оюутнуудыг нийслэлийн болон улс орны өмнө тулгамдсан асуудалд өргөнөөр уриалан орол­цуулж, нийслэлийн, оюутны хотхоны тохижилт, байгаль орчныг хамгаалах ажилд идэвхтэй хамруулах аж. Мөн "Номтой нөхөрлөгч" шилдэг оюутныг шалгаруулж, урам­шуулах юм байна.

Архи, тамхи, гэмт хэргийн зөрчилгүй орчин бүрдүүлэх талаар сургуулиудын оюутны холбоо, зөвлөлтэй хамтран төлөвлөгөө гаргаж, зөр­чилгүй, тэргүүний оюутны холбоо, зөвлөлийг шалга­руулж урамшуулна. "Мон­голын оюутны урлагийн их наадам" улсын уралдааныг үе шаттай зохион байгуулж их, дээд сургууль, коллеж бүрт оюутны спортын клу­бүүдийг байгуулж, нэгдсэн нэр, брэндтэй болгох гэнэ. Түүнчлэн их, дээд сургууль, коллежийн хичээлийн болон дотуур байрны утасгүй интер­нет холболтыг сайжруулж, гэр бүлтэй оюутнуудын амьдрах нөхцөлийг сайжруулах та­лаар анхаарч ажиллахаар болоод байна.

Их, дээд сургууль, коллеж дээр Оюутны хөдөлмөр эрх­лэлтийг дэмжих төв байгуу-лах, бизнес инкубатор бай­­гуу­лахыг дэмжих нь талуудын хамтран ажиллах ажлуудын нэг хэсэг нь. Үүний хүрээнд их сургуулиудын үйлчилгээг оюут­нуудаар үнэлүүлэх нь "Check my university" хөтөл­бөрийг Ардчиллын боловс­ролын төв, БШУЯ-тай хамт­ран хэрэгжүүлнэ гэх мэтчи­лэн олон зүйлийг энэ хичээ­лийн жилд хийхээр тусгажээ.