Агаарын хөлгүүд газарт “уяатай” өнжлөө | News.MN

Агаарын хөлгүүд газарт “уяатай” өнжлөө

Хуучирсан мэдээ: 2010.05.26-нд нийтлэгдсэн

Агаарын хөлгүүд газарт “уяатай” өнжлөө

Өчигдрийн байдлаар МИАТ компаний Сөүл, Бээжингийн чиглэлийн нислэгийг цуцлаад байна.

Монголын агаарын тээврийн түүхэнд гарч байгаагүй ноцтой мэдээлэл өчигдөр өглөө нийтэд цацагдлаа. Энэ бол МИАТ компанийн ажилчид онгоц “барьцаалав” гэсэн утга бүхий ”сенсаац” байсан бөгөөд хэвлэлийнхний авсан эхний бодит мэдээлэл нь өчигдөр өглөө Улаанбаатар-Сөүлийн чиглэлд нисэх байсан МИАТ компанийн онгоцны нислэг саатсан тухай байв. Өчигдөр өдрийн турш олны анхаарлын төвд байсан энэ үйл явдлын эргэн тойронд өрнөсөн үйл явдал, онгоц саатахад хүргэсэн зөрчил маргаан, шалтгааны талаар эх сурвалжуудын байр суур, холбогдох бодит мэдээллийг хүргэж байна.

МИАТ компанийн нислэг саатах болсон гол шалтгаан нь тус компанийн Техникийн газрын 94 ажилчин /Ажлаас халагдсан Техникийн газрын ерөнхий менежер Ё.Энхтөрөөс гадна/ ажлаас гарах өргөдлөө өгсөнтэй холбоотой. Гэхдээ техникийн ажилчид бүрэн бүрэлдэхүүнээрээ Монголын агаарын тээврийн толгой компанийн нислэгийг саатуулахдаа хүртэл даамжирсан үйл явдлын эхлэл энэ оны дөрөвдүгээр сараас эхтэй юм. Тодруулбал, МИАТ-ын Техникийн газрын ажилчид 2009 оны хоёрдугаар сарын 22-ны өдрөөс эхлэн тус компанийн А310 агаарын хөлгийн их засварын ажлыг эхлүүлжээ. Төлөвлөгөө ёсоор уг онгоцны засварыг дөрөвдүгээр сарын 30-нд дуусган, хүлээлгэж өгөх байсан ч ердөө нэг өдрийн өмнө буюу дөрөвдүгээр сарын 29-нд агаарын хөлгийг жинлэж дуусаад, газар буулгах явцад холбогч мултарч, агаарын хөлгийн гурван хэсэгт гэмтэл гарсан байдаг. Тухайн үед онгоцны баруун далавчны доод хэсэгт нүх гарсан, зүүн далавчны нээлхий гэмтсэн, хошууны доод хэсэгт хонхойж гэмтсэн гэхчлэн гурван гэмтэл гарсан гэдэг бөгөөд онгоц гэмтсэний хариуцлагыг Техникийн газрын ажилтнуудын буруутай үйл ажиллагаанаас болсон гэсэн дүгнэлтийг Засгийн газар, Зам, тээвэр, барилга, хот байгуулалтын яам, Төрийн өмчийн хороо, МИАТ ХК-ийн ТУЗ-ээс гаргаж, холбогдох албан тушаалтнуудад хариуцлага тооцохоор шийдвэрлэсэн байна. Ингээд хариуцлага хүлээлгэх хүмүүсийн нэгд Техникийн газрын ерөнхий менежер Ё.Энхтөрийг ажлаас халах тухай асуудал яригдаж, Төрийн өмчийн хорооны дарга Д.Сугар түүнийг ажлаас халах шийдвэрийг өнгөрсөн даваа гаригт танилцуулснаар өчигдөр өрнөсөн үйл явдал тэгтлээ хүнд байдалд хүрэх болсны эхлэл тавигдсан байгаа юм.

Таван жилийн өмнө байгуулагдсан МИАТ компанийн Техникийн газар 120 гаруй ажилтантай. Тэдний 94 нь өчигдөр өглөө ажлаас халагдаж байгаа даргынхаа хамт өөрсдийн хүсэлтээр ажлаас чөлөөлөгдөх өргөдлөө өгчээ. Онгоцны техник үзүүлэлтийн аюулгүй байдлыг хангаж, нислэг үйлдэх боломжтойг батламжилсан Техникийн газрынхны гарын үсэг бүхий зөвшөөрлийн бичигтэйгээр онгоцыг нислэгт гаргадаг тул нэг ёсондоо техникийн нэг ч ажилтангүй болсон МИАТ-ын удирдлагууд 150 гаруй хүний амь насыг хэн бэ гуайн ч зөвшөөрлөөр тэнгэрт хөөргөх эрх байхгүй. Өчигдөр өглөөний Сөүл, өдрийн Бээжингийн нислэг саатсаны шалтгаан болох товч тайлбар бол энэ. Харин МИАТ компанийн удирдлага болоод ажилчдын дунд үүссэн маргаан гэдэг нь илүү тодорхой харагдаж байгаа энэ үйл явдлын талаар бид дараах эх сурвалжуудын байр суурийг хүргэж байна. Биднийг “Чингис хаан” нисэх онгоцны буудалд өчигдөр 17.00 цагийн үед очиход МИАТ компанийн удирдлагуудтай уулзах боломж олдоогүй тул хэвлэлийн төлөөлөгчөөр нь дамжуулан мэдээлэл авсан юм. Харин ажлын байраа чөлөөлж өгөөд байгаа 90 гаруй ажилчдын тал хувь нь “Чингис хаан” онгоцны буудлын ойролцоо цугласан байлаа. МИАТ компанийн Техникийн газрын ахлах менежер Ё.Энхтөр үүссэн нөхцөл байдлын талаар дараах тайлбарыг өгч байна.

МИАТ компанийн Техникийн газрын ахлах менежер Ё.Энхтөр:

-Өчигдөр орой таныг ажлаас халах шийдвэр гаргасан юм байна. Өнөөдөр /өчигдөр/ МИАТ-ын онгоц нислэг үйлдээгүй шалтгаан үүнтэй холбоотой юу?

-МИАТ компани дээр сүүлийн үед гарсан гурван ч зөрчилтэй холбоотойгоор хоёр яамны хамтарсан комисс ажилласан юм. Тодруулбал, тэд  МИАТ компанийн нисгэгч агаарт агааржуулалтын системээ унтраасны улмаас Бээжинд ослын буулт хийсэн асуудал, хоёрдугаарт, Улаанбаатарт онгоц газардуулахдаа хатуу суулт хийж, онгоцонд тодорхой хэмжээний гэмтэл учруулсан тухай, гуравдугаарт, манай байгууллага онгоц засварлах явцдаа гэмтэл гаргасан гэсэн гурван зөрчил, дутагдлыг шалгаж, дүгнэлт гаргаж, Засгийн газраар шийдүүлэх ёстой байсан. Гэтэл өчигдөр /даваа гаригт/ дүгнэлт гараагүй байхад Төрийн өмчийн хорооны дарга Д.Сугар эрхийнхээ дагуу намайг болон Чанарын хэлтсийн дарга н.Баяр бид хоёрыг ажлаас халах шийдвэр гаргасан байсан. Үүнээс болоод бид өнөөдөр /өчигдөр/ ажлаа хийж чадахгүйд хүрсэн тул онгоцыг нислэгт гаргах боломжгүй болсон гэж ойлгож болно.

-Ажлаа хийх боломжгүй болсон гэдэг талаар та арай дэлгэрэнгүй мэдээлэл өгөхгүй юу?

-Бид Европын холбооны улсад бүртгэлтэй байгаа хоёр агаарын хөлөг дээр техник, үйлчилгээ хийдэг. Европын холбооны улсын иргэний агаарын тээврийн хууль дүрмээр бол тодорхой томилогдсон удирдах ажилтныг халж, солихдоо Европын холбооны улсын Удирдах газраас зөвшөөрөл авч байж хийдэг. Тэрийг хийгээгүй тохиолдолд бид дүгнэлт гаргах эрхээ хураалгадаг. Өөрөөр хэлбэл, Д.Сугар даргын тушаалтай холбоотойгоор өнөөдөр өглөө би болон манай байгууллагынхан онгоц явуулах эрхгүй болсон гэж ойлгож болно.

-Техникийн газрын ажилчид бүгд ажлаас халагдах өргөдлөө ингэж нэгэн зэрэг өгсөн нь юутай холбоотой юм бэ?

-Манайхан МИАТ компанид гараад байгаа энэ олон удаагийн зүй бус үйлдэл, дарга нарын хэрээс хэтэрсэн байдал нэг тийш болоосой, үнэн мөнийг олж шийдээсэй гэдэг үүднээс ийм шийдвэр гаргаж байгаагаа хэлсэн.

-Таныг Төрийн өмчийн хорооны шийдвэрийг эсэргүүцэж байна гэж ойлгож болох уу?

-Огт тийм биш. Би шийдвэрийг хүндэтгэнэ, хариуцлагаа ч үүрнэ. Бидний эмзэглэж байгаа гол зүйл нь н.Баяр бид хоёрыг ажлаас халсан нэрээр МИАТ компанид гарч байгаа олон дутагдлыг далдлаад өнгөрөх гэж байгаад харамсч байна. Үүний цаана МИАТ-ын удирдлагууд маш ноцтой үйл ажиллагаагаа нуун дарагдуулах гэж байгаа учир тэр доголдлыг ил болгох ёстой. Манай ажилчид “Хариуцлага хүлээх ёстой хүмүүс бүгд түүнийгээ хүлээе, шударга байя” гэдгийг л хүсч байгаа.

Ажлаас халагдах өргөдөл өгсөн ажилчид.

-Өглөө бидэнд ирсэн мэдээллээр бол таныг онгоц байрлуулсан “Ангар” /Онгоцны граж/-ын түлхүүрийг аваад явчихсан мэтээр ярьж байсан?

-Ямар ч тийм асуудал байхгүй. Бид “Ангар”-ын түлхүүр, холбогдох бүх зүйлсийг хүлээлгэж өгсөн. Тэр байтугай одоо МИАТ-ын хашаа руу ч нэвтрэх эрхгүй болчихоод энд зогсч байна.

-МИАТ-ын удирдлагууд хариуцлага хүлээх ёстой гэсэн шаардлагыг та бүхэн тавьж байгаа юм байна. Та өөрийнхөө мэдэх тэр ноцтой зөрчлүүдээс хэлэх боломжтой юу?

-МИАТ-ын бүх дарга нарын хүүхдүүд өнөөдөр ямар ч туршлагагүй мөртлөө том хөлөг жолоодоод л явж байна шүү дээ. Доод тал нь 21 настай хүн онгоцны нисэгч байх ёстой байтал захирлуудын 18 настай хүүхдүүд олон зуун хүний амь настай холбоотой энэ ажлыг ямар ч шүүлтүүргүйгээр хийж байна. Агаарын хөлгийн нисгэгч болохын тулд 500 цаг ниссэн байх ёстой байтал 250 цаг ниссэн хүүхдийг том онгоцоор нисгэж, Монгол Улсын хуулийг зөрчиж байна. Өнөөдөр гэхэд л МИАТ-ын нислэгийн ерөнхий менежер н.Оюунболдын хүүхэд нислэгтэй явж байна. МИАТ-ын Удирдах газрын даргын хүүхэд одоо араас нь нисэх гээд хүлээж байна. Гэх мэтчилэн олон жишээ хэлж болно. Хоёр, гурван сарын өмнө гэхэд л огт үнэмлэхгүй хүүхэд нислэг хийж байгаад онгоцны агааржуулалтын системийг агаарт унтраасны улмаас Бээжинд ослын буулт хийсэн шүү дээ. Үүний хариуцлагыг яагаад энэ удирдлагууд хүлээхгүй байгаа юм бэ.

-МИАТ-ын удирдлагууд та бүхэнтэй уулзсан уу?

-Өглөө 08 цагийн үед ирж уулзсан. Тэд намайг халах тушаалаа гаргасан байна лээ. Харин манай ажилтнуудын өргөдлийг хүлээж аваад явсан.

-Өргөдөлд хэзээ хариу өгөх бол гэж бодож байна?

-Хүлээж л байна. Ямар ч байсан бид Р.Бат-Эрдэнэ мэтийн хүмүүс энд ажлаа хийж байгаа цагт бид МИАТ-д ажиллахгүй гэдгийг хатуу хэлье.

-Та нар ажиллахгүй байгаагаас болоод өнөөдрийн хувьд хоёр ч нислэг саатлаа. Хамгийн гол нь олон зуун зорчигч хохирч байгаа гэдгийг та бүхэн бодолцож байгаа гэдэгт найдаж байна. Асуудлыг ойлголцож, эерэгээр шийдэх боломж байхгүй гэж үү?

-Мэдээж хэрэг энэ асуудал бидэнд хамгийн эмзэг байна. Гэхдээ мэргэжлийн хүмүүст нь онгоц нисгэх эрх байхгүй болчихсон учраас онгоц нисэхгүй байгаа гэдгийг ойлгох хэрэгтэй.

-Албаны хүрээнд Техникийн шинэ баг байгуулах асуудал яригдаж эхэлсэн бололтой?

-Тэр ямар ч боломжгүй. Монголд ийм хэмжээнд бэлтгэгдсэн агаарын тээврийн техникчид байхгүй. Гаднаас ажилчин авчирлаа гэхэд цалин хөлс нь ямар аймаар юм байдгийг мэдэх байлгүй дээ.

-Одоо тэгээд гарц юу байж болох вэ. Та нарын бодлоор. Энэ байдлаар олон нислэг саатах юм бол ямар олон эрсдэл дагуулах билээ?

-Бид МИАТ-ын удирдлагуудад хариуцлага тооцуулахыг л хүлээж байна. Энийг бидний өмнө байгаа ганц гарч гэж ойлгож болно.


МИАТ мэдэгдэл гаргав

МИАТ компани өчигдөр өрнөсөн үйл явдалтай холбоотойгоор дараах мэдэгдлийг гаргав.

МИАТ ХК-ийн Техникийн газар нь А310-300 онгоцонд техникийн засвар үйлчилгээ хийж байх явцдаа технологийн ноцтой алдаа гаргаж, онгоцны далавчийг гэмтээсэнтэй холбогдуулан Засгийн газар, Зам, тээвэр, барилга, хот байгуулалтын яам, Төрийн өмчийн хороо, МИАТ ХК-ийн ТУЗ-ээс Техникийн газрын холбогдох албан тушаалтанд хариуцлага тооцох шийдвэр гаргасан. Гэтэл Техникийн газрын зарим хүмүүс уг шийдвэрийг албан ёсоор аваагүй атал эсэргүүцэж, тавдугаар сарын 25-ны өдрийн 6.45 цагт Сөүлийн чиглэлд нисэх хуваарьтай байсан Боинг 737-800 онгоцыг нислэгт гаргалгүйгээр саатууллаа. Өөрөөр хэлбэл Техникийн газрын инженер-техникийн ажилтнууд онгоцыг “барьцаалж”, хууль бусаар нислэг саатуулж байна. Үүнтэй холбогдуулан ЗТБХБЯ, ТӨХ, ИНЕГ, МИАТ ХК-ийн удирдлагууд тодорхой шийдэлд хүрэхээр тэдэнтэй уулзсан боловч үр дүнд хүрээгүй тул өнөөдрөөс эхлэн Техникийн газрын үйл ажиллагааг тодорхойгүй хугацаагаар зогсоож байна. Энэ шалтгаанаар МИАТ компанийн олон улсын нислэгүүд мөн саатахаас аргагүй байдалд хүрлээ. Техникийн газрынхан өмнө нь удаа дараа ийм байдлаар онгоцыг нислэгт гаргалгүй саатуулж байсан бөгөөд МИАТ ХК-ийн удирдлага тавьсан асуудлыг нь аль болох нааштай шийдвэрлэж байсан болно.  Бид зорчигчдынхоо эрх ашгийг хүндэтгэн үзэж, саатлын үед ажиллах дүрэм журмаа баримтлан ажиллах болно. Үүссэн нөхцөл байдалтай холбогдуулан бид зорчигчдоосоо хүлцэл өчиж байна”.


ЗТБХБЯ-ны Төрийн нарийн бичгийн дарга Ж.Бат-Эрдэнэ:

-Та бүхэн МИАТ-ийн удирдлагатай уулзсан байна. Ямар шийдвэр  гаргасан бэ?

-Бидэнд нийт 60 орчим хүн ажлаа хийхгүй гэсэн мэдэгдэлд гарын үсэг зурж өгсөн. Өмнөд Солонгосын “Korean Air”  компанийнхантай яриад техникийн ажилтан ирүүлэх хүсэлтээ албан ёсоор тавилаа. Мөн техникийн баг бүрдүүлэх ажлыг эхлүүлээд байна.

-Мэргэшсэн хүн хангалттай байж чадах уу?

-Иргэний агаарын тээврийн техникийн ажил  хийх олон улсын эрх авсан техникийн ажилтнууд байдаг юм билээ.

-Гаднаас хэдэн хүн авчирах вэ?

-Олон хүн шаардлагагүй. Нарийн мэргэжлийн 4-5 хүн ирж ажиллахад болно. Нислэгээ таслахгүй байж байгаад энэ асуудлаа шийднэ.

-Сөүлийн онгоцоор нисэх байсан зорчигчдыг яасан бэ?

-Техникийн ажилтнууд ажлаа хийх боломжгүй гэсэн мэдэгдэл гаргасны дараа нислэг цуцлах шийдвэр гаргасан. Тэр даруй Сөүл явах байсан 152 хүнийг буцаж хил давуулаад тараасан.

-Тэр хүмүүс хэзээ нисэх боломжтой вэ?

-Маргаашийн /өнөөдөр/ онгоцоор явуулах арга хэмжээ авч байна. Сөүлээс Монгол руу ирэх онгоцыг томруулах хүсэлт гаргалаа. Том Боинг ирэх болов уу. Тэр онгоцоор саатсан хүмүүсийг  явуулах юм. Мөн Бээжингээс том онгоц захиалсан.

Б.Бадмаа, Х.Оюун.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

shame 2010-05-26 132.234.251.211

miatr nisxee bolihoor shiidlee ami nasaa 18 nastai huuhdiin gart naidmaargui bna

Avatar

Зочин 2010-05-26 202.131.231.130

Дарга нар хүн ажлаас халахдаа ажлыг нь таслахгүй байхаа бас бодмоор юм Хувьчлах ч тийм амар ажил биш Одоо байгаа захирлыг нь ядаж арай зангарагтай хүн тавиач Энэ Бат-Эрдэнэ ингэх гээд байсан юм аа МААНАГ

Avatar

a 2010-05-26 203.194.118.10

miatiig huvichilchihval une n tengert hadna shtee oilgooch

Avatar

novshiin enhtur 2010-05-26 202.55.183.219

naad muu novshoo huuj yavuulaach naadah chini yamar negen yum setgeld ni taarahgui bol bi ongots nisgehgui geed gediij boodog zevuun gar baina sh dee MIAT tsaashdaa zasvariin nuuts bureldehuuntei baimaar yum

Avatar

Зочин 2010-05-26 182.160.47.129

Новшнууд өөрсдөө ажлаа хийж чадахгүй байж мэргэжлийн хүмүүсийг халж өөрсдийн өмхий арьсыг хамгаалах дуртай Сандал ширээний хэрүүл хийхээс өөр юу ч хийж чадахгүй хэдэн дарга нарыг солих ньзөв Тэд тийм даргаа сайн хийж байсан бол бодлогоо зөв тодорхойлоод явж байсан бол өнөөдөр эд нар ажлаа хийхгүй байсан ч орных нь хүн бэлэн байх тийм бололцоог хангаж чадах байсан юм Өөрсдөө маргаашаа бодохгүй тэнэгтэж байгаад энэ байхгүй юу ИНЕГ-ын болон МИАТ-ын удирдлагуудыг солих хэрэгтэй Ажлаа мэддэг хүнийг нь тавьж ажил хийх бололцоогоор хангаж өгөх хэрэгтэй

Avatar

Зочин 2010-05-26 202.170.64.41

noyon soliot gajig enhtur luivarchin shulaach sugar aimhai ajlaa meddeggui baterdene bugd adilhan taarsan taar shuudainuudshdee MIAT-iig huvichilj baij l naad asuudal chin shiidegdne ter yariad bgaa ariin haalgiin nisgegch huuhduud ajlaa hayaj ongots baritsaaldag engineeruud shahaanii business hiideg shuldag zahirluudiig n bugdiig n tseverlechihne

Avatar

Зочин 2010-05-26 202.179.20.151

Ё ЭНХТӨРИЙН ДАРАНГУЙЛАЛААС САЛААЧ ЭЭ ӨӨРСДӨД ЧИНЬ ТОЛГОЙ АЛГА УУ ИНЖИНЕРҮҮДЭЭ ТЭР ХАНГАЛТТАЙ ХӨРӨНГӨТЭЙ БОЛОВСРОЛТОЙ ТУЛ ДУРЫН АВИАКОМПАНИУД АВНА ТА НАР ТЭР ҮЕД ЯАХ ВЭ ЭНЭ ДУРАКААС ИЛҮҮГЭЭ ОДОО ГАРГА ОДОО САЛ ТЭГЭХГҮЙ БОЛ ҮҮРД ТЭРЭНД ДАРЛУУЛЖ ЯВАХ БОЛНО ШҮҮ ЭСВЭЛ ИЛЖИГ ШИГ МОДОН ХУДАРГАНД БАЙХ САЙХАН БАЙНА УУ

Avatar

Зочин 2010-05-26 202.131.233.187

Eniig shiideh shig amarhan zyil haana bna MIAT-g huvchilaya tegeed l boloo

Avatar

Зочин 2010-05-26 202.55.191.24

Яс юман дээр Энхтөр чинь ажлаасаа халагдсан болохоор л ажлаа хийж чадахгүй тэр зөвшөөрөл энэ тэрийг нь өгч чадахгүй байгаа юм байна шдээ хашаандаа оруулахгүй байгаа юм бол яаж зөвшөөрөл өгдөг юм

Avatar

UNSHIGCH 2010-05-26 211.11.157.1

SUGAR ZEV SHIIDJEE TERIIN HUNII ZANGARAG HARUULJEE UGAASAA DARGA NARTAI TEMTSEJ BAINA GEED ONGOTS BARITSAALDAG TERIIN AJILTAN BAIJ BOLOH UU TIIM ES ZUIGUI HUMUUSEES ULS ORNOO TSEVERLEE

Avatar

Daramtlagch ENHTER 2010-05-26 211.11.157.1

Neeree ENHTER chini gants odoo ch bish suuliin 15 jil MIAT-iin darga nariig daramtalj baigaa bizdee ajil yarij haruytslaga yarihaar ongotsoo yavuulahgui geed suuchihdag darga nar bugd tuunees aigaad baidag yumuu haashaa yum bidend bolohoor ta nariin telee bi yavj baigaa nisgegch nar yu yum bi ta nariig hamgaalna geed dandaa yaridagHArin BATERDENE darga dotroosoo tavigdsan bolohooroo Enhterees aihgui baigaag bid demjij baina Bidniig uneheer daramtalj ajil hiilgedeg

Avatar

irgen 2010-05-26 202.180.216.8

ugaasaa ornii hun baihgui gariin useg zurh hun baihgu baihad tushaal gargadag sugar ooroo buruudah baih daa enhtor ajilaas halagdsan yum chine yaaj gariin useg zurj ongots hoorgoh blee dee

Avatar

Geezer 2010-05-26 202.180.220.73

oo MIAT chin ajilchid udirdlaga ali ali ni aliniigaa gehev bugd l baliar yum hiij bga hehe Gehde ter 18 tai huuhed nisgej bdg ni arai denduu um bna MIAT aar nismeergui sanagdchihla Ongots ooroo suult hiideg ni unen l dee gehdee manai buyant uhaad ILS bdgiimuu ugui muu medehgui yum

Avatar

Ajaa taij 2010-05-26 203.194.118.15

Avto zam ashiglaltiin kompani MIATiin zasvar texnikiin ajiltanuud umnu ni xezee ingej udirdlagataigaa xariutslaga tootsoxiig shaardaj baisan yumXeden darga nar l suudlaa bulaaldaj shuuxdedeg baiv daaEne chini Ardchilsan erunxiilugchtei bolsonii ur shimiig baiguulagiin tsum bolson ajilchid alban xaagchid xurtej baina gesen ugGol ni tavisan shaardlaga ni ZUV baix yostoi

Avatar

www.Freecall.mn 2010-05-26 202.170.67.217

Hizgaargui yarih erh chelee

Avatar

Зочин 2010-05-26 202.131.234.76

Энхтөр бол хүчтэй дарамтлагч шүү дээ айлгаж байгаад л бичүүлээ биз Балжинням гэж инженер залууг зодоод шүүх дээр уйлж уучлалт гуйж байгаад тэнсэнтэй мултарсан Тэр нь 3 жил ч болохгүй элгээр нас барсан шүү дээ МИАТ-д байгаа Баянмөнх гэж залууг зодсон одоо татаж унадаг хүн бүхэн л мэднэ Буянт-Ухаа дах тагнуулын төлөөлөгчийн гүрээнд автийрк шаагаад бас хэрэгт орж байсан шүү дээ

Avatar

Зочин 2010-05-26 202.131.231.26

Lalruud min olon um yariad baival ongotstoi chin hamt uul mergyyleed zalchihna shyy Engineergyi bol ongots gardaggyi l baihgyi yu ta nar harj l baigaa biz dee Nisgegchid gej yugaa medehgyi sarmagchinguud naad ongots chin eeree ochood avtomataar suuchihdag um Enhteriig demjij baina yhej baisan um uu huvalznuudad yzyyleed eg bolohgyi bol yil ni irsen heden zrochigchtoi ni sor zal

Avatar

Зочин 2010-05-26 211.11.157.1

MONGOL ULSIIN GADAAD BODLOGO NEELTTEI YUM CHINI GADNAAS SHUUD CHADVARLAG HUMUUS AVCHRAAD TEHNIKIIN UZLEGEE HIILGEECHTER SOLIOT NOBSHIIN ENHTERIIG SHUUD BARIBCHILJ BUH HOHIRLIIG TELUUL

Avatar

Чинбаа 2010-05-26 119.40.98.50

Гадаадаас мэрэгжилтэн авчирна гэх юм Тэр гадаад мэрэгжилтний сарын цалин хэд байдгийг мэдэх үү 20000euro Энэ мөнгөөр уул нь Монгол хүмүүсээ өөд нь татах хэрэгтэй байгаа юм даа Дандаа гадаадуудын дэвсгэр гудас болох гэж байх юм даа энэ гадаадуудыг тахин шүтэгчид

Avatar

Zorchigch 2010-05-26 211.11.157.1

TER ENHTEREES EER ONGOTS MEDDEG HUN BAIHGUI UYMUU MIAT BOLOVSON HUCHINGUI BOLSON BOL SHUUD GADNIIN AVIAKOMPANID MENEJMENTEER EG

Avatar

bb 2010-05-26 202.170.82.4

ene enxtur gj yostoi davarsan nuxur bn yarij bgaagaas ni xaraxad andashgui uuriig ni xallaa gd ingej bga yum bna chi busad xumuusiig xulduu chirex xereggui sh dee urd buuj uguud bsan boloxoor asuudal ingej xurtsdana gj tootsooloogui bx xuurxii tuunii ugeer orj xalagdax urgedluu ugdug yamar teneg uuriin tolgoigui xumuus vee ta nar uursduu l xoxirno shuu dee uur xumuus chadaxgui ch gx shig xunii sursan yumiig xen ch surch xiij chadna shuu dee naaduulaasaa surgasan zardlaa tuluuj av xatuu xariutslaga tootsox ni zuv

Avatar

Nisgegch 2010-05-26 211.11.157.1

Enhter odoo boliochee ichsen hun hun **** gegcheer ongotsoo eeree evdchiheed haa hamaagui yum yariad yavdag OYUNBOLG nisgegchiin huuhed enend chini yamar hamaatai yum MENGENTULGA sain nisej baigaa nisehiin hunii huuheh hisgegch bolj bolohgui yu chamd ug ni bas udam zalgah yum baimaar l yum chi ch olon huuhen huuhdee heser hyasan daa

Avatar

Zorchigch 2010-05-26 202.70.40.130

MIAT ter chigtee umhiirch hudargagui yavdlynh ni gor ni garch baigaa yum Dargataigaa baritssan ajiltan ajiltany hundlelgui darga naryn dotroo hereldsen aalzny shuls met nuuts naimaa shahaa tusviin mungu husah asuudal zereg gaarsnyg ene yavdal gerchilne Darga ni tiim baihad aldaa gargasan ajiltan ni iin baritsaj baigaag zuvtguh hetsuu ch baidal iim baina Huuliin daguu MIAT-yn dargaasaa avahuulaad holbogdoh alban tushaaltan bugd hariutslaga uureh shaardlagatai Tertee tergui salbaryn said ni hariutslaga uurch baina geed sanalaaraa ogtsroh bish zarim ulsad iim ineedmiin jujgiin tuluu said ni ch ogtsroh asuudal baidag

Avatar

Зочин 2010-05-26 202.72.242.162

emch bagsh nisgegch uildverchin geed er ni ANARXI unertdeg bolloo shuu ene bol mash muu

Avatar

Зочин 2010-05-26 202.72.242.162

Orgodliig ni huleej avaad shuud halaad gadnaas ch hamaagui chadvartai humuusiig ni avchirah heregtei bagsh nar ni emch nar ni geed tangarag orgoson humuus tegj mergejleereee daramtalj bolohgui shd ted nariin ard olon hunii ami amidral bna halchaad oor hun avaad ehlehed uuchlaarai minii buruu bjee bi ajildaa orii geed 90 ni iriishd amisgaanuud

Avatar

zochin 2010-05-26 174.6.24.49

MIAT-iin ajilchid ene baidaltai negdeed Uildverchnii evlel baiguulaad baiguullagaa ene tomchuudiin haraagaas salgaad uursdiin erh ashgiin tuluu ajilachee Baterdene ugaasaa ajilchdiinhaa tuluu ajillahaa bolison hun Dan hor nairuulaad yavj baidag Gantshan tomchuudad uilchildeg

Avatar

zochin 2010-05-26 124.158.109.196

MIAT-iin uil ajillagaag hen nisch hen shalgaj bgaag ni neelttei bailgamaar yum bishuu tsaaduul chin olon hunii ami nasiig yuman chinee bodohgui bnashd MIAT-iin alban haagchid bugd duu negtei temtseesei IImerhuu huuli bus hunees gajuud zuil hiij bgaa nuhduudiig daamjruulj bolohguishdee

Avatar

zochin 2010-05-26 124.158.109.196

ene Enkhtur gui zuv l zuil hiisen bnashd
haa gazriin muusain buduun darga nar iim l bgaa bhgui yu ter olon hun itgeed ongotsoor ni nisleg hiij bhad yun shaldan erhiin balainuudaaraa jolooduulj bgaa ni zuv yumuu ungursun namar gehed 11 sard bi beijin yavahd ih aimaar gazardsiishd tegehed teriig hench tailbarlaagui ter teneg erhiin balai huuhduudeer jolooduulj iim aldaa gargachaal tehnikiin ajilchid ruugaa hudlaa tulgaal helmegduulsen l bnashd Mongolchuudaa hezee shudarga bj hezee uialchluulegchiddee naidvartai uilchilj surah yum bee arai denduu bgaan bish uu yu vee yoo bi uneheer iimerhuu naidvargui gazraar uilchluulmeergui bnashd nadad minii ami nas chuhalshd ur huuheddee arai iluu heden jil haragdmaar bnashd yamar muuhai idej hanadgui avilgachid gahainuud vee ene MIATiinhan Mongoliin mini uls turchid Gedes ni hagaraad uheesei gej

Avatar

zochin 2010-05-26 174.6.24.49

Er ni zorigtoi dugarch baigaa ni tehnikiin gazar shuu dee busad MIAT-iin ajilchid busarmag uil yavdliig medsen hirnee duu hooloigoo niiluulj chaddaggui dor dooroo l yaritsgaana

Avatar

zochin 2010-05-26 174.6.24.49

MIAT-iig tseverleh tsag irsen gej bodoj baina Jishee ni gadaadiin tuluulugchiin gazart neg ch mergejliin hun baihgui dan darga said tomchuudiin ahan duus amrag sadan baidag yum Sugar bol MIAT-aar togloj duusch baigaa amitan Engeneer tehnikch bar zorigtoi alham hiisen gej bodoj bainaa

Avatar

Зочин 2010-05-26 202.131.225.124

yu olj dolooxiig ni xaray daa manaid anarxizm gazar avaag bna daa

Avatar

Zorchigch 2010-05-26 211.11.157.1

Enhter gegch hen be eniig mongol uls bish Evropiin holboo ajild tavisan yum uu Yarij baigaagii ni haraach haruytslagaa huleehgui demii demii uym yariad evchtei yumuu haashaa yum Enend zorchigchiig saatuulah yamar erh bainaa bidnii ajliig saatuulsan hohurliig ENHTERDNUUDEES garguulj egehiig MIATaas shaardaj bainaa MIATiinhan humuusee ingetel ni davraasan ajlaas ni halj chaddaggui ulsuud uu hegiin yumaaUls gej ter gej baina uu humuusee

Avatar

Зочин 2010-05-26 133.43.247.122

ene ch arai dendsen asuudal bolson baina ingej mergejleeree booj olon hunii ajil amidraliig alduulj bolohgui gadnaas ajiltan avchrh zardal n ondor uchraas bid ingej booj baigaa gesen zuil yarisan baina ene hunees oor hun MGL-d ene ajliig hiij chadahgui gej uu sard 5 say tog-iin tsalin avdag hun hovor biz de

NewsMN Гар утасны хувилбар Татах
NEWS.mn

Мэдээллийн эх сурвалж